我覺得性別定型同固有印象嘅分別

7月28日 12:05
我發現有好多人都好關注性別定型嘅問題,大家好似喺度控訴緊呢個社會嘅風氣唔好。 但我自己係咁諗嘅,性別定型係即使你認識嗰個人,但都冇得重設人格嘅意思。 所以係咪大家撈亂咗性別定型同固有印象嘅意思呢? 我哋會對一個族群會有一定嘅印象,就同預覽圖一樣去大概認識下佢哋,例如我地會知道蛇係有毒, 我哋就可以避免去走近佢哋被佢地咬,但唔係所有蛇都有毒,唔係所有蛇都鍾意咬人,我地都需要去深入了解去接觸佢哋先知道。 所以我地一開始對男性同女性都有各自嘅形象,係咪真係叫做唔好呢? 我係女仔啦,係女仔嘅角度黎諗。我地知道男仔係比較好色,所以我哋對陌生嘅男仔有防備心,而呢個我覺得係保護自己嘅行為,並冇覺得唔妥。男仔可能會覺得女仔屈佢地啦,但事實上我地做嘅只係唔想上頭條,被人報導話被人性侵、被人非禮。 仲有好多對男仔嘅固有印象,我就唔講太多,因為我想表達嘅係——即使我對你地有固有印象,但之後隨著時間去認識你地單獨嘅每一個人,我對你地嘅印象會改變,會撕下你地嘅固有標籤。(其實大部份人都係咁諗,只係大家只記得一開頭嘅固有印象,覺得被人屈而忘記左,甚至覺得呢個係性別定型。) 固有印象其實好難消失,因為要以白紙一樣去認識一個人,除非你係嬰兒,唔係嘅話你點都會聽到人哋講嘅嘢。就算你唔想咁諗,但潛意識都會有個印象喺度,所以希望大家可以包容大家。仲有就係我地要去討論某一個種族個陣時,好難去區別出黎邊個邊個係好人黎嘅,所以希望大家唔好對號入座。完。
0
留言 0
文章資訊
1 篇文章0 人追蹤