阿媽被人話出軌
香港理工大學專業進修學院
一直都知道阿媽有男朋友，之前個男朋友五年幾六年前一齊嘅，前兩年分左手。淨係知道係阿媽講分手同埋係個男人一直搵我阿媽，都糾纏不清左咁耐。個男人自從分手之後我就無咩點見過，淨係大時大節先會見到佢上黎搵我阿媽送花之類。
前排突然有個女人打電話比我，話我阿媽係小三搞人地老公，仲講左好多好難聽嘅說話。我同左我阿媽講，佢叫我唔好理。話下次個女人再搵我就話比佢知，佢要去報警。今日個女人又打電話比我，我聽到一半就cut左佢線，點知佢黎wts我。都係講同上次差唔多嘅嘢
其實我對我阿媽嘅感情生活基本上咩都唔知，因為關係無話好好，佢過佢自己嘅生活我都唔會過問。但呢件事真係令我心情好差，個女人點解會有我電話號碼？同埋我阿媽係咪真係做人小三？同埋就係個女人咁樣打電話黎真係好騷擾，我可以點做？
有無dcard絲巴知點解決🥲🥲
