男仔都係咪識表達自己？
香港理工大學
成日都見到唔同情侶既煩惱可能都圍繞着溝通問題，好多時個女仔明明想要男仔點做但就偏偏唔講出口，要個男仔估黎估去，久而久之冇哂耐性最後分手。依個時侯大部分人都會話女仔成日收收埋埋，唔講自己想要啲乜好難頂等等…
但男仔呢？佢哋又係咪真係又識得點樣表達自己？男仔好多時都唔會表露自己受傷嘅一面出嚟，由細到大都比人教男仔要埾強，唔可以流眼淚，人生係遇到挫折嘅時候往往都會自己收埋消化哂，覺得自己會頂得住，而習慣咗唔會同人傾訴自己嘅內心世界，再加上男仔根本冇一個好渠道去抒發情緒，佢哋既朋輩唔會冇啦啦傾心事，可能仲覺得表露自己脆弱嘅一面比朋友睇會比人笑又或者覺得講完根本冇咩用（但其實有用架！雖然對成件事上面冇幫助，但講完之後個心情真係會好咗舒服咗！）。
我自己本身有男朋友，同佢一齊兩年，一開始都覺得佢遇到啲唔開心嘅事佢會自己消化，後來佢都會唔介意同我講佢有咩唔開心同求安慰。或者好多男仔心入面都想好似女仔咁，無論遇到咩事都會有人關心佢，只不過佢講唔出口。
冇拍拖既男仔點算呢…希望你哋早日可以搵到個可以傾訴嘅人🫶🏻咁就唔會咁容易大壓力啦！
