前情提要
睇黎今年啲活動都cut得七七八八，連我最期待嘅ocamp都玩唔成😢想了解BU幼教嘅可以去睇睇呢篇～今日主要黎同大家分享下ocamp嘅回憶，等咁多位fm bbs望梅止住渴先🤤
仲記得當年ocamp嘅組爸媽同我地介紹「大學五件事」：上莊、住hall、拍拖、讀書同pt。個陣信誓旦旦話自己一定要做到曬，點知自己個系無hall住💩ok fine，上莊應該可以試下啦掛？點知掛住讀書，摺左成個y1😂😂好耶！唔緊要！！可以拍下拖應該都唔錯呀～不過留意返，尼姑庵嘅男人真係五餅二魚都唔夠分🤣點都好啦～y1總有啲難忘嘅回憶，等我係到分享下比新一屆fm bbs啦❤️
對我黎講，ocamp一定係y1最難忘嘅經歷。記得第一日朝早係學校集合後會玩下破冰遊戲，目的係等大家互相認識同記住對方嘅名。之後就會派發物資比大家出去玩cityhunt，與此同時，偉大嘅oc bbs就會幫手將我地嘅袋搬去camp site等我地返去。個陣成班人著住套青bb嘅camp tee周圍打卡食野唱k，令大家更熟絡之餘，soc亦都有更多時間係camp site準備活動。差唔多黃昏個陣，組爸媽就帶我地搭巴士入camp，途中吹水嘅吹水、訓教嘅訓教、玩game嘅玩game。
成個ocamp入面以下幾部份係我最印象深刻嘅：
1. D-game
親愛嘅莊員同oc bbs會將camp site佈置成一個兇案現場，等大家到唔同房搵oc們做mission、搵線索，再組織返成個故事出黎。呢個推理遊戲嘅目的就係要大家合作、觀察同透過唔同提問技巧得出一啲細節同因由。如果鍾意偵探推理嘅朋友應該會幾enjoy，但對於邏輯白痴嘅我而言，個陣聽完個答案都唔知自己做左啲咩😂😂全程都係跟住啲campmate出出入入、企企坐坐同傻笑，內心os係「我在哪兒、我在幹什麼？？」印象深刻嘅原因大概係我都唔知自己做左啲咩，淨係記得大家都keep住係一個眼訓到唔想用腦所以不停鬧人嘅狀態(夜晚十一點幾開始玩)下花左好長時間破解呢個game😂😂😂
2. 水game
水game係一個最爽嘅遊戲，成個過程會循序漸進，由一啲細嘅濕身game到全體濕身活動😂記得一開始係玩辣辣壽司，輸左個隊就要比人淋水，結果反應慢十幾拍嘅我成日都比人用水掌摑🌝去到中間就玩濕毛巾閃避球，雖然成個地下鋪曬紙皮同紅白藍膠袋，但由於個地面太濕太滑，手腳笨拙嘅我不停趴街，重點係得我一個趴WHYYYYYY🌚所以呢場濕毛巾閃避球比賽對我黎講係「仆街閃避球大賽」🤦🏻♀️
3. 房game
成班組仔女爸媽一齊係房吹水玩game，一開始會由報status入手，循序漸進😏之後會玩psychologist、磁力王、black magic等等等等嘅遊戲😂最記得嘅係啲組老豆老母會用psychologist chok我地自己個組有無心儀嘅對象😳磁力王亦都係不得不玩嘅遊戲，個陣我地又入閘又過山車咁，真係好刺激架～各位師弟妹有緣一定要去感受下磁力嘅真諦😚搞不掂，而家諗返起啲房game都笑到我gapgap聲😂😂至於black magic...我到而家仲未破解到個檸檬可樂😭原本諗住可以chur下組老公玩比我睇，恐怕都係要等到下年先玩到啦🥺
4. 口水舞
當時聽到「口水舞」呢個名嘅時候有啲驚，以為大家要不停噴口水😂😂原來所謂嘅「口水」只係跳到不停流嘅汗～一次口水舞大概半個鐘，個陣圍住營火起碼跳左四五次。跳舞個陣大家會有身體接觸、互動，成個氛圍好青春好熱血呀～～
5. Soci
有少少似大富翁嘅概念(?)分組去唔同嘅房做mission賺錢，越多錢個組最後有更多本錢去投資最後環節嘅game去分勝負🤔記得個陣啲人會去gym room舉啞鈴、送報紙去其他房、入水彈等等～記得我地將啲報紙亂咁派，比啲oc退走份報紙無錢收，結果我地重新塞到其他房，一放低就跑走等佢地無得退😂😂完全係黎搗亂🤣
6. 龜背紙
當為期咁多日嘅ocamp完之後，大家都會搭旅遊巴返學校解散🥺不過解散之前，組爸媽會準備一疊soc紙比大家互寫感想～成件事就好似寫畢業紀念冊或者千字文咁😂個陣係會議室入面奮筆疾書，有人笑住話dse之後都未試過寫咁多字🤭講真，咁多年後睇返campmate寫比自己嘅龜背紙都幾warm❤️希望仲有機會收啦😭
講左咁多～唔知大家係過去嘅ocamp又有乜嘢難忘嘅回憶呢？🤣
