問：想返香港執業，可以點部署？ 答：台灣讀醫放寒﹑暑假時，可以返香港免費申請跟港大﹑中大醫學生一齊係醫院病房上堂，即係做 clinical attachment. 港大中大醫科生去到yr4-6 就會上病房做臨床見習clinical attachment， 係不同病房跟醫生巡房﹑睇門診。 報名方法好簡單，直接email港大中大醫學院的 內科 外科 婦產科 兒科department secretary或者peripheral hospitals的 ward departments 港大醫科 Clinical attachment申請方法

中大醫科clinical attachment申請方法

除了瑪麗(港大) ﹑威爾斯(中大)之外，想去伊莉莎白﹑聯合﹑東區﹑廣華﹑將軍澳﹑屯門﹑大埔那打素 ..... 都得。自己send email俾你想去的部門就得。日期你自己決定，一個病房你跟1-8星期都得。 Email地址就要自己揾 比如你暑假返香港想去明愛醫院內科跟2個月，就email俾 cmc.enq@ha.org.hk問佢攞 內科secretary的email或者你成封 attachment application letter ( 你台灣醫科學生証 + 想邊d日子來 )寫過去再叫佢forward 俾內科 不過，email 有機會會miss 左，隔一段日子無回音你就自己跟跟。 如果你有朋友﹑中同大同係mbbs mbchb學生，可以問佢地攞 瑪麗/威院/其他醫院的 department secretary的email. 佢地自己出clinical attachment都要聯絡返department secretary, 所以會有contact 如果揾唔到你想去的醫院病房email，你就自己，或者揾屋企人直接上醫院交俾department office. 我之前去明愛內科，就係去懷安樓揾內科部門辦公室交信。咁之後申請到之反後，都係由department secretary聯絡我攞locker、visitor access card、attachment schedule邊日邊段時間跟邊位醫生，有時係ward, 有時係專科門診。 如果撞中有港大中大醫科生係到出見習，就會一齊上堂。 不過通常港大中大醫科就7、8月先上病房見習，3、4月就學期完結考final.所以你3-6月去跟attachment就唔會撞到佢地。 ________________________ 問：台灣讀完醫科之後，香港人揀專科有冇劣勢 答：同邊到人無關係。如果佢父母、家族前輩剛好係佢想報的醫院的專科做，就有幫助。 實質上醫二代不少，但用得著咁樣背景的人不多，仔女想做的專科未必同家族背景相符。點都好，呢種情況亦無可避免，香港一樣有呢種情況。 中大醫學院前院長沈祖堯，2個女都讀中大醫科，佢2個女同普通醫科生去見工有無分別？當然，人地2個女除左家世都係有本事，大女會考9A1B，B係宗教，讀醫時係Dean list。細女李寶椿國際學校，IB狀元。 整體上，台灣要有專科唔難。 2017年，台灣46000執業醫生，得5590人係無專科的「一般科」醫生，即係「普通科醫生」，基本上人人有專科。因為每年專科受訓名額會開到同當年實習醫生人數一樣。再深一層的原因就同台灣醫療系統的設計有關。健保有規定咩專科牌先可以睇咩症、做咩檢查/治療，所以醫院會開足夠專科訓練位，等有更多專科醫生幫醫院打工申報健保。 2016年，香港14013位註冊西醫，得6797人有專科，專科：無專科（普通科）大概50：50。不過，實際上近年開的專科訓練位都足數俾香港畢業生同外地考牌生。只不過唔少人寧願輕鬆做普通科醫生。但暗湧係香港醫療設計下，醫管局無需要製造大量專科醫生幫佢申報健保接更多客做更大生意額，醫管局係拿固定撥款，睇財政做人。無錢可以少一點專科訓練位。當然，移民潮帶來的人手流失，有一排時間先補充到，近5-10年都未至於要減位。 KOL 偽文少女醫科扎記，真名 胡希晴，末代會考拔尖港大醫科就係咁，而2016年畢業，2018年就就去左連鎖診所集團卓健做。2021年去埋英國移民

總結，兩邊要申請到專科都不難，但要申請到某些熱門專科就難，比如皮膚科、眼科、整容外科 _____________________________ 問：台灣讀醫，幾時開始準備返香港 答：一畢業就可開始準備 如果選考 香港醫生執業試 LMCHK / HKMLE 台灣醫科Yr6 畢業後，需要考 醫師國考二階（臨床知識） 考核內容剛好與 LMCHK Part I Written Exam 重疊 台灣醫科畢業後，需做2年實習醫生PGY，在 內/外/婦/兒（大科） + 其他次專科（小科）輪轉 剛好 LMCHK Part II Clinical Exam 是考 內/ 外/ 婦/ 兒 4大科 如果選考 MRCP MRCOG MRCS MRCPCH .... 等專科試 則和港大、中大醫科畢業生一樣，畢業後第1年做實習醫生就可以買 Pastest Questions Banks & Study Guides 準備筆試 一般3-5年完考畢 筆試 + 臨床試，需要幾萬HKD 做考試報名費 + 筆試Question Banks + 臨床考試Workshops ________________________________