B45 上一代好開放？呢一代都大把人得嘴上話支持，真係見到/遇到又係另一回事 依家呢個年代都有逼婚啦，上一代就冇？幾多個人真係可以承受到黎自四面八方嘅壓力？異性戀都會被逼婚之後同唔鍾意嘅人結婚，其實咁樣都係騙婚，但係冇人會指責佢哋，相反同性戀就會成為眾矢之的。 你又唔知佢經歷過啲咩令到佢會咁做，你上網睇下被逼結婚嘅lgbt啲故事先，要生要死咩都有，有幾多人係真係可以義無反顧咁反抗屋企？如果可以有邊個唔想同自己愛嘅人一齊？ 你站着說話不腰痛，你根本冇代入過樓主老豆嘅角色一味指責，你淨係覺得樓主老母係受害者，老豆係加害者，其實佢哋都係封建社會下嘅受害者。 你依家就係假設樓主老豆一定係騙婚，你唔係當事人你又知事實嘅真相？點解咁果斷就要判死刑？ 重申一次，佢騙婚係唔啱，但係根據嗰個年代嘅環境之下，佢嘅行為可以得到理解，原唔原諒係樓主屋企嘅事。