一直都知我小學搬屋係因為老豆賭大左定炒股要賣左供斷既屋黎還債，而買落既樓就按上按再拉到最長25年黎供 咁我準備grad要同屋企傾定家用問題，同埋老豆講過等我grad 就將層樓過名俾我同阿哥，交俾我地供埋去 點知而加先知原來仲有起碼10年先供完，每個月仲要供萬幾蚊🙄（所以屋企一直都係月光族） 老老實實，我同阿哥平分黎供既話都好吃力，錢都唔洗儲，就算層樓有名又點，呢層樓係老豆老母百年歸老既地方，我地將來冇可能賣。最嬲既係，正常家庭仔女最大去到30幾歲，有咩可能層樓仲未供完，而加姐係要我地幫老豆還債，我講明左唔會接受。 同老母傾，佢先講今年頂盡做到8月老豆就要失業，佢而加60歲+嚴重膝頭勞損唔知可以做多幾多年，老母59歲做超市收銀一個月得嗰8000幾蚊，兩個積蓄又冇，65歲退休之後根本供唔起層樓 呢件事暫時得我知，我阿哥收入又麻麻同屋企關係又差，最worse case 係佢可能供都唔肯供。而我準備會搬出去同男朋友住，雖然做醫護但唔通要我拎成份糧既一半出黎咩仲要供10年wo🤢 心好累，可以點做