聽到鄰居打仔可以點做

真係好恐怖 嗰家人住我斜對面 有一定距離 但係由朝到晚都聽到佢打仔鬧仔嘅聲 最慘係聽到個小朋友喊住嗌救命 以我所知係個阿媽打細路 個女讀緊小學 有時聽到連阿爸都比佢老婆發癲咁鬧 朝早7點返學會鬧 夜晚12點半夜都會鬧 呢個情況其實維持咗好多年 成層樓都知 亦向管理處反映過都冇人幫到手 唔通真係要報狗? 好想幫個女仔 亦都想幫個阿媽 佢應該係有情緒問題 身為老師真係好想同家長講唔好體罰 咁樣對小朋友身心發展都好唔健康 越打佢就越免疫 佢根本唔知自己錯乜 剩下嘅只有皮肉嘅痛楚 而家長見佢冇改善 就會再打勁啲 最後甚至釀成家庭慘劇 所以希望各位變成父母後 都一定唔好體罰 亦都抱抱接受過/現正受體罰嘅人🥺❤️
留言
個阿爸做咩?自己個囡俾人打wo🌝唔理個阿媽有冇精神問題,打自己小朋友都接受到?小朋友都打到喊曬 真人真事,我鄰居一模一樣,不過係個老豆家暴個老婆同對仔女。我哋一直唔知,直到有日對姊弟係我哋門前面叫救命,有冇人救佢哋媽咪。我哋成層都出曬嚟咁濟,班男人企起前面,怕個老豆發瘋捉走對姊弟,然後我媽咪叫佢哋入屋企坐,再報警。 超記得個男人一直叫咩“我屋企既事,關你哋咩X事”“阿仔阿女返嚟屋企”,然後我哋一直叫佢放開佢老婆,來來回回終於等到班狗嚟。 個男人當然帶走咗,然後個姨姨抱住對仔女一直講對唔住(我見到阿媽眼濕濕)。之後聽返,先知個男人唔係第一次打老婆,但係第一次打對仔女,所以姨姨頂唔到,同個男人還手,但諗都諗到,男人認真打,一個女人得返捱打,所以佢先叫對姊弟揾人幫手。