聽到鄰居打仔可以點做

真係好恐怖 嗰家人住我斜對面 有一定距離 但係由朝到晚都聽到佢打仔鬧仔嘅聲 最慘係聽到個小朋友喊住嗌救命 以我所知係個阿媽打細路 個女讀緊小學 有時聽到連阿爸都比佢老婆發癲咁鬧 朝早7點返學會鬧 夜晚12點半夜都會鬧 呢個情況其實維持咗好多年 成層樓都知 亦向管理處反映過都冇人幫到手 唔通真係要報狗? 好想幫個女仔 亦都想幫個阿媽 佢應該係有情緒問題 身為老師真係好想同家長講唔好體罰 咁樣對小朋友身心發展都好唔健康 越打佢就越免疫 佢根本唔知自己錯乜 剩下嘅只有皮肉嘅痛楚 而家長見佢冇改善 就會再打勁啲 最後甚至釀成家庭慘劇 所以希望各位變成父母後 都一定唔好體罰 亦都抱抱接受過/現正受體罰嘅人🥺❤️
留言
平時會唔會同個阿媽打招呼? 我覺得如果一黎就開正題好似唔合適 可以多啲係媽咪面前讚下個女,又關心下阿媽近況咁,叫做多個人同佢傾下計,慢慢建立下關係先。 或者可以嘅話,可以間唔中揾個女黎你屋企玩,可能媽咪長期對住女壓力都大。 不過始終有專業人士幫手係好啲,建議email佢學校同佢講返有呢個情況,內容可以講多少少你聽到嘅野同發生頻率,叫校方跟進返,佢地應該會有社工幫手跟進。如果校方唔理直接email社工。 非專業。