聽到鄰居打仔可以點做

真係好恐怖 嗰家人住我斜對面 有一定距離 但係由朝到晚都聽到佢打仔鬧仔嘅聲 最慘係聽到個小朋友喊住嗌救命 以我所知係個阿媽打細路 個女讀緊小學 有時聽到連阿爸都比佢老婆發癲咁鬧 朝早7點返學會鬧 夜晚12點半夜都會鬧 呢個情況其實維持咗好多年 成層樓都知 亦向管理處反映過都冇人幫到手 唔通真係要報狗? 好想幫個女仔 亦都想幫個阿媽 佢應該係有情緒問題 身為老師真係好想同家長講唔好體罰 咁樣對小朋友身心發展都好唔健康 越打佢就越免疫 佢根本唔知自己錯乜 剩下嘅只有皮肉嘅痛楚 而家長見佢冇改善 就會再打勁啲 最後甚至釀成家庭慘劇 所以希望各位變成父母後 都一定唔好體罰 亦都抱抱接受過/現正受體罰嘅人🥺❤️
留言
B5 咁我覺得係你報又唔係佢地小朋友報⋯⋯冇理由打小朋友噶。實在係唔得就唯有敲門啦⋯⋯冇得放任佢地打噶⋯⋯咁個女人打你你可以按住佢,打個細路佢完全冇辦法⋯⋯報狗起碼等d人分開佢地一家先啦,咁樣好危險噶