點解可以咁撚仆街?🤬

琴晚倒數約曬班fd一齊去party room啦 咁搞手就係我~~~ 我卜嘅時候就俾咗訂金 玩完先比尾數 咁琴晚大家一開頭都玩得開開心心 我仲幫大家買咗酒、買埋料打邊爐 咁所有錢都係我出咗先,諗住完曬先計每人aa幾多錢。 跟住好撚荒謬嘅事情發生了 我地一行12條友 去到凌晨3點嘅時候得番5條友喺到🤨 其他人完全失蹤咗 佢地全部都用咗各式各樣嘅理由走撚咗 eg 去廁所、野飲唔夠要去買、出去聽個電話🤗 就冇再番過嚟⋯⋯ 機又唔撚覆,最後喺其他fd 嘅ig睇到佢地成班自己去咗酒吧玩🙂 算撚數喇,你地走都講聲呀😉 到今日我諗住叫大家比番錢我 佢地成班竟然話:我地都冇玩曬全場 點解要比 我聽完 真係懷疑人生🤯 點解做人可以做到咁肉酸咁cheap 有份食有份飲有份玩 竟然可以講出句咁嘅說話 幾千蚊睇清咗呢班人,都抵嘅
留言
樓主有冇事先同佢哋講完咗要AA夾返$? 我覺得佢哋一係就性格好有問題 一係就根本冇當你係fd or 唔鍾意你 見你請佢哋先過嚟痴飲痴食 之後覺得悶就走人 以為你請點知最後要夾返$所以佢哋就搵個藉口唔比$ 似係集體bully你囉