自從搬咗屋之後佢男朋友一個星期最少 係最少係度訓五日（已經差不多兩年），even佢番工番shift放夜晚11點入到黎我屋企12點半第二日番工都要入黎（番自己屋企應該半個鐘）我唔知係我家姐叫佢入定係佢自己想入，但我真係頂唔順日日幫個男人曬底褲。日日見佢地係度開冷氣係房煲劇到天光，但我同我屋企人唔係熱到頂唔順都唔會開。幫佢哋洗衫晾衫摺衫，煮埋飯佢哋食唔鍾意食就自己嗌外賣，從來都唔會幫手做家務，仲要幫佢哋交埋水電媒。 屋企人唔夠我家姐惡（會屌晒全家，癲起上嚟嘈到成幢樓都聽到，之前仲打到我塊面損晒），細個有啲事發生佢唔會尊重我媽咪，阿爸又唔夠惡（我都想屌佢點解做男人做到咁），但我爸爸寧願煩少陣唔想嘈。之前媽咪試過叫佢比家用，但佢話間屋唔係我媽咪，又話冇番工/番工好少錢。叫佢男朋友（>20k) 比番水電煤又話唔係日日上黎。其實屋企係低收入，（爸媽都冇讀過大學）爸爸身體唔舒服冇做嘢，媽咪又番得好少工，都係用剩低以前啲積蓄黎交屋企啲費用。（自己有番pt只夠我自己比自己洗費） 我到底可以點做。。。