小妹同你家境情況一模一樣，但我一樣靠自己入到bb fo做ibanking intern。我覺得你太過怨天尤人，其實可以反省下自己先。 首先，今年市況唔好無Return好正常，但你講到「當然」咁樣，姐係你根本無諗住自己有return。如果只係因為市道而你無intern，咁點解其他人有？唔通又係因為佢地背景好所以爭到return？ 第二，你話人地「唔知點解」因為背景好而有connections同tips入top tier bank，我一樣公屋出身，無背景。但係我依然可以靠mentorship同cold call r到top tier banks既referral。或者等我話你知點解，因為人地付出既努力同時間比你多。國外ivy league幾多人係LinkedIn一日connect幾十個人r coffee chat你又知唔知？你自己問心你又係咪真係用嗮所有可用方法先？ 第三，師兄同同年既人無人幫你，你又有無諗過係自己問題？我見過好多seniors都好肯幫人。會唔會係你自己問既方式有問題？或者你reach out得唔夠多人？ 最後我想講，係無錯，家境好真係優勝好多，可以讀master慢慢黎，搵intern無咁辛苦(講緊係Yr 1 2果啲細 firm，如果你想入ibank一樣係要靠自己)。但係唔代表你無機會㗎，如果你能力夠既話人地點解唔肯請你。中產同最有錢既我都識，最有錢既唔會同你係到爭入ibank；中產既根本無可能只靠關係入，一樣係要靠自己。 至於評論講到談吐同氣質方面，佢地可能真係好有內涵，好有教養。我父母都唔係讀過書既人，粗人一個，咁唔代表要好似佢地咁㗎wor。你有4年時間對住呢班人，跟佢地學習，唔通你話你讀完4年畢業之後談吐呢啲半點都仲未學到？ 第一次係dcard留言希望原po唔好咁快打沉自己，快啲諗下有咩做去搵工好過🙏🏼