疑似俾人性騷擾,真係越諗越嬲

聖誕嗰晚我同一個女仔frd去咗尖沙咀海旁嗰邊,嗰陣有好多人排一直行咁樣俾free hug,講Merry Christmas,我哋見咁多人join又幾有氣氛,所以就一齊join埋。 點知有一個男人走過嚟輕輕擁抱,跟住佢個frd喺對面幫佢同我影相,咁我本來都覺得冇乜嘢,點知佢影相嗰陣除罩伸條脷出嚟左右fik(唔係郁兩下扮cute嗰啲pose,係不斷fik嚟fik去嗰隻),我嗰下呆咗俾唔到反應,到佢揾下一個嗰陣我先反應到,即刻鬧佢,但係當時環境好嘈,佢應該冇聽到,我返到屋企諗返起呢件事覺得好後悔,後悔我嗰陣點解冇再大聲啲鬧。 佢同我影完之後我有望到佢淨係揾女仔影,miss曬啲男仔,然後我見到個男人個frd係錄影囉,佢同所有女仔都係伸脷fik脷🤬
sticker
留言
megapx
諗諗下都係決定喺度留個言 見到大家都有少少blame the victim嘅傾向 例如話「被人攬得就預左」 其實free hug一開始用意唔係比人鹹濕 而係希望可以為社會帶來溫暖 所以如果po主係以呢種心態參加 點解會被人曲解成「隨便」嘅女仔 會唔會係我地對呢個活動有誤會 又或者強加自己嘅意圖喺人地身上 當然 我都認同free hug係有風險 一開始都有自由選擇參唔參加 的確 完全係一個可行嘅解決辦法 但係如果咩都因為有風險就唔做 呢個世界就真係會變到好冷漠 我認為應該改善嘅 唔係叫人唔好free hug 而係希望參加呢個活動嘅人都尊重返個活動嘅宗旨 呢樣嘢唔係硬性規矩 都好難一概執行 只係希望大家了解多啲佢嘅原意 同埋尊重參與者 佢地好多都係冒住被佔便宜嘅風險 希望為社會帶來一點溫暖 至於呢個fing脷嘅行為係咪性騷擾 我諗都好難判斷 係有商量嘅餘地 可能做呢個行為嘅人都有啲踩界 我本身都有follow勇狗 覺得佢係想挑戰某啲social norm 又或者純粹表達對現今社會嘅「正常」有所不滿? 知嘅人都可以補充一下😂 附上勇狗嘅片段比大家參考