我唔知你哋班醫護咩事，冇人想唔舒服去急症，長輩之前因為搬嘢chok 到唔知邊到，搞到頸痛同手痹去醫院睇醫生，一去到個分流站個護士（？）個態度已經非常惡劣，長輩聽唔清楚，講咗句唔好意思可唔可以講多次，佢塊面隔住嗰罩已經睇到佢係西到出汁，啲語氣又差到好似殺佢全家咁。之後等呀等呀，呢樣唔重要，多人等呀嘛。終於入去見醫生，一入去對完資料問咩事，我長輩答佢，佢係咁咦摸咗兩下就同佢話冇咩事，可以去外面拎止痛藥，我長輩話但係佢手痹，個醫生好似好唔願意咁揾個鎚輕hau 咗幾下，問痛唔痛，長輩話有少少。你老味，個醫生話痛姐係神經冇事啦，可以走㗎喇。 我諗住追問使唔使拍x ray 嗰啲，佢話：其實嚴重過佢嘅人大有人在，可以走㗎喇。 我火都嚟，諗住睇下佢個name tag, 你老闆，揾件袍遮住？？？仲要唔係老㗎喎！ 成個過程我因為知醫護辛苦，我盡量配合，都冇話翻佢地，仲唔該前唔該後。 但你地都唔好咁樣啦，我知唔係全部都係咁，但你地咁高人工地位咁高，辛苦啲都ok la, 啲氣唔好出喺patient 到啦，外國啲醫護人工都冇咁高，但又係咁忙咁chur 咁辛苦，你地啲patient care 去咗邊到姐... 個個為錢讀，讀完唔鍾意又要為人工做，做到個人咁大壓力又hea 做，我都唔知點解個社會會咁 依家個老人家隻手都係numb numb 地，但佢已經唔肯再睇醫生，話畀錢買難受 係我講多次，覆翻 B31 呢啲人： 個時夜晚嚟，個老人家叫曬救命叫手麻叫唔得，我知道有門診，但你係我你會唔會等聽日？夜嘛嘛我仲要拖住佢坐的士去，你估我認為好好玩？係呀，係有私家嘅急症，我自問俾唔起，窮人冇人權？點解啲害群之馬嘅德行同態度有問題，你下面班人可以合理化件事？咁認真做好自己嘅醫護對病人好係佢地做多咗？