我係公屋女出身 屋企人都做低下階層工作 知道屋企窮冇幾多錢比我補習 所以當然地我dse分都唔高
然後我為左將來唔想爸媽咁辛苦 我靠自己努力用asso爆4入u 再到幫人補習 一路打工一路學習
後來識多左大學既朋友 發現好多唔係中產就係上流 唔洗打工都可以個個月去旅行 甚至去歐洲
後來發現 公屋女永遠都係公屋女 窮人就係冇資格改變到自己既人生 窮人永遠要為有錢人打工
後來想法更極端到 唔會生仔 因為唔想個仔/女以後好似我咁冇左人生體驗 唔會結婚 因為結婚都係為生仔 咁我仲咩要結婚
真係好辛苦 其實公屋仔出路係咪得同有錢人結婚呢條路行
留言

香港大學
我都明錢既重要性 但真係人比人 比死人
總有人比你好 贏在起跑線 有人比你差
so what
想分享下 細個屋企抵押哂深圳上海香港物業都仲爭緊銀行好大舊錢(聽父母講返
冇糧出到要走佬
個陣12 13歲已經有司機車返學 住大屋
2個廁所 間屋有lift 2個工人
最窮個陣要住親戚屋企間工人房俾個菲傭恰 風水輪流轉
返學想食兜6蚊既撈麵都只可以望住同學食
開頭完全接受唔到 細個要咩有咩
諗返起都好好笑 我個陣會襯中學小息就黎完 去canteen睇下有冇人食剩野🥲
去到宜家屋企人重新黎過 無憂無慮既生活 係冇以前咁富貴
唔係9up 屋企以前專幫啲外國企業做產品包裝 算係獨市生意 食正改革開放紅利
唔想講太仔細
但一個疫情落黎 封哂關 想守住間公司同埋如果摺左公司會有好多員工失業
結果係咁抵押 到要問親戚(都係做生意)借錢死頂
頂到22年尾 真係山窮水盡
我個陣考dse衰左讀asso 人地enjoy Ulife 我搏命讀
真係學費都冇錢交 返學都冇錢搭mtr 要返金鐘來回都廿蚊
我諗喺hku我唔算最有錢個班
屌識有啲同學cls有養馬既 講緊喺賽馬會個種
weekend 就揸跑車去玩去浦
父母全部上市公司老闆
最多係同佢地玩埋一齊 但識呢啲朋友冇咩用 埋唔到堆架 都唔會幫到你
經歷過最差狀況 你人生冇野可以輸
但聽我講 窮人有錢人後代都唔好創業尤其宜家經濟太差 唔係以前啦 慳啲使儲下錢好過
B3
