10萬+次曝光

公屋仔好絕望…

我係公屋女出身 屋企人都做低下階層工作 知道屋企窮冇幾多錢比我補習 所以當然地我dse分都唔高 然後我為左將來唔想爸媽咁辛苦 我靠自己努力用asso爆4入u 再到幫人補習 一路打工一路學習 後來識多左大學既朋友 發現好多唔係中產就係上流 唔洗打工都可以個個月去旅行 甚至去歐洲 後來發現 公屋女永遠都係公屋女 窮人就係冇資格改變到自己既人生 窮人永遠要為有錢人打工 後來想法更極端到 唔會生仔 因為唔想個仔/女以後好似我咁冇左人生體驗 唔會結婚 因為結婚都係為生仔 咁我仲咩要結婚 真係好辛苦 其實公屋仔出路係咪得同有錢人結婚呢條路行
留言
我同你一樣背景,公屋出身。 老實講公屋出身一定係冇優勢㗎啦,住公屋冇錢呢啲改變唔到。但係你點諗同你做啲乜係有得改變。香港向上流係比較容易,唔信你睇下啲差啲嘅國家,窮人連學都冇資格返,真係一出世就奠定咗你嘅未來,窮人出身=你將來都係窮人。香港唔一樣,至少我哋仲可以入到大學。 唔好睇咁多網上啲住公屋嘅人怨天怨地,佢哋完全就係fixed mindset,因為自己出身差就唔去努力,但係又嫌棄自己出身,瞓喺屋企賴父母賴政府,甚至仇視有錢人。 由中學開始我就知道自己要改變命運,我唔要做窮人住公屋,所以一直好努力讀書,入到u一直都好努力,返過好多份intern,做過好多connnection,努力練好自己英文,最尾summer return入咗銀行做MT,而我係所有人入面唯一一個住公屋。 我亦有其他由細玩到大嘅公屋朋友,佢哋有啲入咗nursing major,出到嚟做護士,亦算係擺脫咗公屋環境。 亦都有啲唔介意住公屋,中學畢業就搵份普通工躺平,生活冇乜壓力,都幾開心。 我講咁大堆嘢,就係想你知,淨係講冇用㗎,要落手做。你話要釣金龜,你做咗未啊?執好自己個樣,喺大學到搵target。又或者你想搵好工脫貧,咁你讀緊咩科呀?專科?非專科?如果係非專科有查過返咩工係搵錢,然後再舖路入行?唔滿意現狀咪落手去改變,唔好下下都話自己要輸要輸 你打嘅頭幾句就睇得出你係fixed mindset,「屋企冇錢補習,咁當然我DSE分都唔高」呢啲嘢唔係當然㗎,如果你只係識諗自己嘅劣勢,再將你一切嘅不幸視為理所當然,而唔去改變。例如:我屋企冇背景,咁當然我搵唔到好工。 咁諗你就輸一世 唔好眼紅班中產同學,顧掂你自己,做好自己。