有冇人好憎靚女

本人生得好7 矮肥 腳短粗 冇波 見到啲靚女會行開幾尺遠 完全唔想佢哋企我隔離 因為係有比較之下 會顯得我更加7 好怕同靚女分埋去同一個地方實習 因為會感受到明顯嘅差別待遇 所以我真係勁唔鍾意佢哋 同時亦好葡萄佢哋生得咁正 行街有靚女喺身邊經過都會自卑 個樣靚有長腿 基本上人生已經贏咗一半 見到ig上面啲女仔就好妒忌 點解人地可以做下model 影下相就輕鬆賺錢 我生到咁 做雞都冇人會幫襯 真係好妒忌d女女可以靠樣/身材搵食 我之前啲男朋友都會睇ig女女 喺街見到靚女都會望 我每次見到 都覺得佢哋內心根本係想要個樣靚身材正 白滑大波嘅女朋友 同我一齊只係因為冇得揀 如果有靚女主動撩佢地 佢哋一定會唔要我 所以久而久之 我都唔想再拍拖 唔想再日日都亂諗嘢
留言
我覺得你聽落有d過份自卑,唔需要將外表睇得咁重要,我覺得日常生活個人望落乾淨就已經ok,唔使講到唔靚就輸一大半咁,人比人會比死人,每個領域都會有好過自己嘅人,何必一定要攞自己唔優勝嘅地方同人地嘅長處比?搵自己優點再好好發揮一樣可以好吸引。 另外心境真係好影響一個人嘅氣場同觀感,除咗减肥同化妝穿搭之外,試下練體態&樂觀d,可以令你成個人望落更自信同有氣質,一樣會好加分。