有冇人好憎靚女

本人生得好7 矮肥 腳短粗 冇波 見到啲靚女會行開幾尺遠 完全唔想佢哋企我隔離 因為係有比較之下 會顯得我更加7 好怕同靚女分埋去同一個地方實習 因為會感受到明顯嘅差別待遇 所以我真係勁唔鍾意佢哋 同時亦好葡萄佢哋生得咁正 行街有靚女喺身邊經過都會自卑 個樣靚有長腿 基本上人生已經贏咗一半 見到ig上面啲女仔就好妒忌 點解人地可以做下model 影下相就輕鬆賺錢 我生到咁 做雞都冇人會幫襯 真係好妒忌d女女可以靠樣/身材搵食 我之前啲男朋友都會睇ig女女 喺街見到靚女都會望 我每次見到 都覺得佢哋內心根本係想要個樣靚身材正 白滑大波嘅女朋友 同我一齊只係因為冇得揀 如果有靚女主動撩佢地 佢哋一定會唔要我 所以久而久之 我都唔想再拍拖 唔想再日日都亂諗嘢
留言
妒忌心係人都有既,不過咁睇應該係你對自己無信心,太唔鍾意自己。 (如果睇到呢倒,覺得我判斷錯,下面請當我廢話🙇) 難聽啲講句,(根據你呢度既資料,唔係針對) 你覺得自己周身無樣好,點都輸人一截,但你又無任何改變自己既action (我唔知有無,但你呢度無寫⛑️),然後好似怨念好深咁,唔鍾意靚女,怨緊個天點解唔一泥,就比個靚body我,我覺得好浪費精力,點解唔放過自己。 我唔知你自唔自戀,但人應該要有適當自戀,你可以花時間,試下發掘自己靚既地方,爛船都總有三根釘。