有冇人好憎靚女

本人生得好7 矮肥 腳短粗 冇波 見到啲靚女會行開幾尺遠 完全唔想佢哋企我隔離 因為係有比較之下 會顯得我更加7 好怕同靚女分埋去同一個地方實習 因為會感受到明顯嘅差別待遇 所以我真係勁唔鍾意佢哋 同時亦好葡萄佢哋生得咁正 行街有靚女喺身邊經過都會自卑 個樣靚有長腿 基本上人生已經贏咗一半 見到ig上面啲女仔就好妒忌 點解人地可以做下model 影下相就輕鬆賺錢 我生到咁 做雞都冇人會幫襯 真係好妒忌d女女可以靠樣/身材搵食 我之前啲男朋友都會睇ig女女 喺街見到靚女都會望 我每次見到 都覺得佢哋內心根本係想要個樣靚身材正 白滑大波嘅女朋友 同我一齊只係因為冇得揀 如果有靚女主動撩佢地 佢哋一定會唔要我 所以久而久之 我都唔想再拍拖 唔想再日日都亂諗嘢
留言
B29 我就咁睇你嘅其中一個缺點就係冇自信 好多因素搞到咁樣 但係你出到pool 其實都代表你唔算好差啫 應該唔會有男仔同個一啲可取之處都冇嘅女仔一齊掛 可能佢哋覺得你有啲位好好 坦白講我都唔夠自信 而且未拍過拖 見到街上面嘅靚女 腳長 身材好 有氣質 再望下自己 生得矮比例唔好 腳短 冇線條 唔夠人靚 我同你一樣都會搵方法嘗試改變 正如你所講做運動化妝襯衫 搵一個適合自己嘅風格 我同自己講個樣唔靚就喺其他地方搭救🥲 學下欣賞自己 扮完靚影張相 得閒開翻嚟睇自戀一陣 雖然落咗妝都係唔靚嘅 慢慢接受自己外表嘅缺點 eg鼻扁、面大 (但係有時候照鏡都係覺得醜樣) 發掘自己嘅內在美 Build up翻少少自信🤏🏻等自己開心啲 笑多啲已經好唔同 同埋靚女老咗咪又係個樣殘曬 唔通佢哋一世都係咁嘅樣咩 你話你樣樣做齊 咁起碼你都努力過啊 樣唔靚 著衫好睇已經加咗分 Btw有日我食飯等位嘅時候見到餐廳有個女仔 個樣唔是靚 不過我睇得出佢好有自信 唔識點形容 但係我feel到(? Think positive 我同自己講總有一日都會好似佢咁有自信 我都希望你總有一日可以愛自己多啲❣️