有冇人好憎靚女

本人生得好7 矮肥 腳短粗 冇波 見到啲靚女會行開幾尺遠 完全唔想佢哋企我隔離 因為係有比較之下 會顯得我更加7 好怕同靚女分埋去同一個地方實習 因為會感受到明顯嘅差別待遇 所以我真係勁唔鍾意佢哋 同時亦好葡萄佢哋生得咁正 行街有靚女喺身邊經過都會自卑 個樣靚有長腿 基本上人生已經贏咗一半 見到ig上面啲女仔就好妒忌 點解人地可以做下model 影下相就輕鬆賺錢 我生到咁 做雞都冇人會幫襯 真係好妒忌d女女可以靠樣/身材搵食 我之前啲男朋友都會睇ig女女 喺街見到靚女都會望 我每次見到 都覺得佢哋內心根本係想要個樣靚身材正 白滑大波嘅女朋友 同我一齊只係因為冇得揀 如果有靚女主動撩佢地 佢哋一定會唔要我 所以久而久之 我都唔想再拍拖 唔想再日日都亂諗嘢
留言
其實老實講我上面啲人係咁話你內心差,又話心態唔好,又話唔聽日意見(意見由一開始實質行動,當知道你係有做到就改為要求你心態改變)。上面啲comments我都有睇曬, 1. 話你心地唔好果啲,其實佢都係呻下,只係代達自己內心因自卑產生既討厭,咁你食飯都有喜好la,我相信任何人都有唔中意既人,但唔中意既理由唔同,而你唔係純粹妒忌而唔中意其他人其實唔係特別高尚。自己現實生活又唔識樓主,但可以就咁去斷言樓主心地唔好係咪有啲魯莽 2. 點解一定要正面,樓主確實係係度方負,咁又如果。尼個社會過度鼓吹正向心理,導致個風氣係好似有不滿有負面情緒就係錯,心態唔正確,就一定要改變。而各位聽到樓主咁「負面」就一定要幫佢糾正,人地一唔接受就話佢心態差,又話「係你成個怨婦咁係人都唔想靠近啦」(尼個真心好笑,佢都冇話想你靠近😂,加上尼句你俾左個前提which is 你唔想=人人都唔想,會唔會諗得自己太重要) 3. 講到自己有幾為樓主諗,講到有幾偉大係度開解樓主、俾意見佢。又話樓主幾差幾差,因為唔聽你所謂既意思就攻擊人,話人地內外都差。好彩呢個係網絡世界,如果樓主係你真實朋友,你講到好似點點點為佢好,但一啲都接受唔到佢嘅負面情緒同諗法,一味用自己嗰套擺落佢身上,咁等同你地口中樓主「唔正確觀念」which is 用世人對靚既標準強行加諸於自己;你地就將所謂要正面面對生活先係正確生活態度強行加諸於樓主身上。又屌樓主唔聽人意見,人地都冇問你意見,人地問下有冇人有同感姐。 4. 見到人話「死」就話人地厭世唔改變,咁如果佢真係想死又點?當然,對你真係冇乜影響。但你地上面既種種開解、建議,係真心為左樓主好定係過唔到尼個社會灌輸你「自殺係錯」既觀念而過唔到自己嘅道德關口所以先出言相勸?咁唔係都係好自私咩?(特別係講完,樓主唔聽之後攻擊人嗰啲). 當然我都唔排除你真心為咗樓主好,但如果係,點解唔接受佢既負面尼,佢只係想呻下,點解一定要改變佢?⛑明白人聽到其他人話要自殺會馬上勸告下,就我地係咪應該反思尼個行為係為左維護自己嘅道德關口定真心為左對方? 當然,果啲幫樓主諗方法,之後都開解樓主既,我見到都覺得好溫暖,雖然唔係開解我,但係尼個咁差既社會,我地需要更多愛。