好崩潰唔想食避孕藥
匿名
有啲長氣同混亂，慎入🥹
勿po Ig thx🙏🏻
事源2年前開始嚟M嗰陣時痛得超犀利，所以開始睇婦科，睇政府醫院，照咗幾次超聲波都冇事/check唔到有咩事，只係keep住開胃藥同止痛藥比我。
上年開始嚟M前、嚟M ing、嚟M後都會痛，一個月痛足三個星期。最嚴重係嚟M後，肛門都會痛！係痛到成個人會抽搐咁。由一開始肛門抽痛，到最後係變成「刺痛」，痛到好似有一支針向妳肛門不斷瘋狂咁猛刺，每刺一下妳全身所有嘅神經都會跟住緊繃、跳動，然後妳的身體都會跟著彈跳😀 而且佢唔係有節奏的刺痛，係冇預警、不規律的刺痛，呢一秒大刺痛，下一秒小刺痛，或者是大小刺痛交雜著連環痛，完全唔俾妳放鬆、喘息的機會，會痛幾耐都唔知，但係絕對冇可能只有幾分鐘，有時會痛２４小時，就算壓住肛門都無辦法減輕刺痛。唔止咁，仲會好似有一粒石頭或拳頭喺妳肛門上來回不停咁滾動、磨來磨去，會覺得肛門的壓迫感很重，刺痛再加埋壓迫感的極度不適搞到我坐又唔係，企又唔係，躺又唔係，成日喺條街/學校都會痛到踎喺地下，雖然好醜但係真係冇計🥲
入正題，上個星期五（啱啱完M一星期），子宮+肛門開始痛到pk，完全落唔到床，食止痛藥都冇用，喺張床上面不斷抽搐。食完野又嘔番出嚟，崩潰到喊。（唔係第一次咁痛，但係無論係今次定之前，我都有提出過想去醫院，但係阿爸話入到醫院都係咁碌嚟碌去，不如慳返啲錢喺屋企碌:)
總之尋日最後去咗睇婦科門診，照完話俾我睇我子宮內膜移位+有2粒朱古力瘤，我嗰吓真係呆左。
最後嘅結果就係，因為粒瘤未到5cm所以唔洗做手術，但係要食「優思明」Yasmin 避孕藥控制佢唔好變大。我之前有食過其他牌子，食咗一個月已經肥咗2kg，一直都瘦唔番，所以我真係好唔想再食（當然我冇得揀…）我同阿媽講過，得番嚟就係俾佢罵，話抵死自己唔錫住個身體，搞到而家要嘥錢食藥，自己攞嚟衰之類…
我真係好崩潰，我都係想要句安慰，想要個關心，點解咁都要罵。我知道我冇得揀，所以我都係想呻吓啫…我知道身體緊要，但係冇計我好貪靚，我唔想肥都唔想脫髮😭
講咁多廢話，多謝你睇到呢度🥹雖然我唔係有絕症，但係如果大家留底一句加油我都會好開心🫶🏻如果有親身經驗，或者都有食開避孕藥，請你嘥一嘥你寶貴嘅時間話俾我聽你嘅經歷，我會超感激🥺🫶🏻
最後，祝大家身體健康🤍
