為咗粒墨魚丸同我嗌交?

琴日同男朋友去咗食車仔麵 佢叫墨丸 雞翼 豬腸 生菜 油麵 我叫豬皮 冬菇 生菜 公仔麵 食食下我見佢粒墨丸好吸引 隻手好唔聽話咁夾咗粒返嚟放咗入口 點知佢嘖左一下 然後黑晒面 佢問我做乜嘢 但係呢個時候粒墨丸已經係我口入邊 我唔敢出聲又唔敢咬粒丸⋯大概對視左3秒鐘 佢先唔再望住我繼續食麵 我先敢咬粒丸 原來已經係佢碗嘢入邊最後一粒丸 之後佢食完自己走咗 我就跟住佢後面 去到今日佢都好似好嬲咁🤔 點搞
留言
你買外賣去佢屋企附近請罪,請返佢食墨魚丸啦。應該唔會嬲你嘅?不過下次都係君子不奪人所好,想食就問咗先,有時你冇問過人就拎人哋啲野都會嬲。