為咗粒墨魚丸同我嗌交?

琴日同男朋友去咗食車仔麵 佢叫墨丸 雞翼 豬腸 生菜 油麵 我叫豬皮 冬菇 生菜 公仔麵 食食下我見佢粒墨丸好吸引 隻手好唔聽話咁夾咗粒返嚟放咗入口 點知佢嘖左一下 然後黑晒面 佢問我做乜嘢 但係呢個時候粒墨丸已經係我口入邊 我唔敢出聲又唔敢咬粒丸⋯大概對視左3秒鐘 佢先唔再望住我繼續食麵 我先敢咬粒丸 原來已經係佢碗嘢入邊最後一粒丸 之後佢食完自己走咗 我就跟住佢後面 去到今日佢都好似好嬲咁🤔 點搞
留言
B4 係冇得點計既,嘻嘻,加油啊!佢應該唔係嬲你,應該係嬲緊其他嘢,再加埋呢個小事先會咁。 不過有時都唔係剩係諗自己好想食,如果個日佢唔多開心,屈埋咗係個心度,佢留到最後的墨魚丸就咁比你食咗,我諗我自己都會嬲咗。