為咗粒墨魚丸同我嗌交?

琴日同男朋友去咗食車仔麵 佢叫墨丸 雞翼 豬腸 生菜 油麵 我叫豬皮 冬菇 生菜 公仔麵 食食下我見佢粒墨丸好吸引 隻手好唔聽話咁夾咗粒返嚟放咗入口 點知佢嘖左一下 然後黑晒面 佢問我做乜嘢 但係呢個時候粒墨丸已經係我口入邊 我唔敢出聲又唔敢咬粒丸⋯大概對視左3秒鐘 佢先唔再望住我繼續食麵 我先敢咬粒丸 原來已經係佢碗嘢入邊最後一粒丸 之後佢食完自己走咗 我就跟住佢後面 去到今日佢都好似好嬲咁🤔 點搞
留言
我男朋友成日搶我野食,我都會嬲佢😂因為想食可以叫多份!我想食既餸菜一定要比我完整咁食哂!雖然我愈嬲佢愈鐘意搶🤦🏻‍♀️ 樓主可以講多幾次sorry,唔知佢係咪好想食粒墨丸,但如果留到最尾滿心期待準備食既話,就咁比人搶左我都會好嬲😂