為咗粒墨魚丸同我嗌交?

琴日同男朋友去咗食車仔麵 佢叫墨丸 雞翼 豬腸 生菜 油麵 我叫豬皮 冬菇 生菜 公仔麵 食食下我見佢粒墨丸好吸引 隻手好唔聽話咁夾咗粒返嚟放咗入口 點知佢嘖左一下 然後黑晒面 佢問我做乜嘢 但係呢個時候粒墨丸已經係我口入邊 我唔敢出聲又唔敢咬粒丸⋯大概對視左3秒鐘 佢先唔再望住我繼續食麵 我先敢咬粒丸 原來已經係佢碗嘢入邊最後一粒丸 之後佢食完自己走咗 我就跟住佢後面 去到今日佢都好似好嬲咁🤔 點搞
留言
我覺得既然平時佢係會夾你啲嘢食嘅話咁你今次夾佢啲嘢食其實都正常嘅 可能佢嗰日真係心情唔好啦 但係你已經say晒sorry咁 仲話請返佢食 認哂低威但係都仲嬲好似真係有啲小氣😢 更何況佢平時都係冇問過你就夾你啲嘢食 但係你咁做佢就嬲🥲