因為工作關係識咗一個大我6年嘅男人 佢今年30歲 一開始都係工作上嘅接觸 後尾佢就私底下同我傾公事 呢個一對一嘅工作模式持續咗一陣 之後佢就約我單獨食飯 嗰陣時我都覺得佢年紀比我大咁多 好成熟 好有男人嘅魅力 雖然我真係好欣賞佢嘅工作能力 但因為年紀嘅差距同埋社會地位嘅唔同 我都只係一個啱啱畢業無耐嘅薯仔 所以都冇諗太多 但之後佢會開始揸車來接我收工 又會車我去睇夜景 星期六日又會陪我行山 幾乎放假都會陪我 所以我都覺得佢係有心同我發展 但都係我哋嘅關係準備要更進一步 諗住同佢跟坦白咁樣傾更多嘢嘅時候 佢同我講 其實佢係有一個老婆同埋一個四歲嘅仔係大陸 有考慮過離婚 但因為離婚要分身家 所以一直冇處理到 而家識咗我會的起心肝去搞手續 我知道咗之後真係晴天霹靂 唔知比咩反應好 淨係同佢講俾啲時間我消化下 我就少咗搵佢 但佢依然花好多心機係我身上 會特登入沙田買我想食嘅嘢 揸車嚟港島南俾我 而我對佢都真係好有好感 好想同佢繼續發展落去 真係唔知點做先好🥺