女朋友黎M,到底可以做乜?

其實女仔每個月都會黎M架啦,但係每次見到佢(地啦,咁世界上唔係得一個女仔嘅)M痛嘅時候,都唔知點做,做佢嘅暖水壺又好似無乜點幫手。陪住佢又好似冇乜用(個人感覺)。仲要有時佢痛到仆街,行路行喺上嚟成個阿婆咁,撳住個下腹部,行得仲慢過隻樹懶。到底除咗叫佢飲暖水,做佢暖水壺,陪住佢之外仲可以做啲咩? (如有方法,請從速提供,都幾緊急下🤭)B142
留言
幫佢帶定panadol 但係唔好次次都比佢食 衡量下係唔係真係痛到忍唔到先再食 始終成日食藥都唔好 一定唔好比有咖啡因既野佢(朱古力都係架)有d女仔黎m好容易貧血 可能幫佢買d紅棗啊 四物飲沖劑啊補鐵質既supplement啊類似既野比佢 咁就冇咁易暈 黎m呢樣嘢真係每個女仔都唔同 真係好需要你認真去睇下佢有咩需要 平時都要花d心機架(特別係谷m 女仔真係可以好唔舒服好躁底架)