情人節發現自己係二奶

同呢個男朋友一齊咗半年 今年第一次過情人節 夜晚冇堂食 我又一個人住 咪約佢上嚟屋企打邊爐~ 佢一直都話自己2月14有嘢做 慶祝唔到 咁佢番工都好忙 我都冇為意 但我又好想慶祝 咪係咁煩佢 叫佢抽時間陪我 咁佢最後都有應承~~ 我就約佢7點上我屋企啦 點知 佢琴日10點先到 手上面仲拎住一對佢想要咗好耐嘅波鞋 我問佢 去咗邊 佢話見客見耐咗 對鞋係個客送🥲 到夜晚 我諗咗好耐覺得唔對路就開咗佢手機嚟睇 發現佢有兩個ig ac 有一個係我唔知嘅 佢喺嗰個ig到po咗個story 影住對鞋 Tag咗個女仔 寫住多謝BB 3週年快樂🧑🏻‍🎤 利申:一直都唔知自己係二奶 冇心害人 今朝已經分咗手🌲
留言
B36 你試想下 可能你個ex 係有啲特質吸引到你 但倒頭來發覺專一先係最重要 好多時你地會take 專一for granted 唔去珍惜對你專一嘅男仔 但其實專一先係最重要 最大魅力之處 其實佢地唔係無魅力 佢地先係最有魅力 只不過你被其他所謂特質蒙蔽雙眼 當你明白對你專一先係最有魅力 你就會有feel Also 相信你喺dcard 見唔少 sp 沉船 變成情侶嘅例子 證明skip step係ok ge