情人節發現自己係二奶

同呢個男朋友一齊咗半年 今年第一次過情人節 夜晚冇堂食 我又一個人住 咪約佢上嚟屋企打邊爐~ 佢一直都話自己2月14有嘢做 慶祝唔到 咁佢番工都好忙 我都冇為意 但我又好想慶祝 咪係咁煩佢 叫佢抽時間陪我 咁佢最後都有應承~~ 我就約佢7點上我屋企啦 點知 佢琴日10點先到 手上面仲拎住一對佢想要咗好耐嘅波鞋 我問佢 去咗邊 佢話見客見耐咗 對鞋係個客送🥲 到夜晚 我諗咗好耐覺得唔對路就開咗佢手機嚟睇 發現佢有兩個ig ac 有一個係我唔知嘅 佢喺嗰個ig到po咗個story 影住對鞋 Tag咗個女仔 寫住多謝BB 3週年快樂🧑🏻‍🎤 利申:一直都唔知自己係二奶 冇心害人 今朝已經分咗手🌲
留言
B37-1 如果佢吸引唔到我講咩都冇用 我又唔恨拍拖 冇男朋友唔會死 分手咪分手 唔係世界末日 我唔會因為呢次分手而改變成個人 jm9😂 對方要出軌係佢嘅選擇 揀任何人都會有機會發生呢件事 唔會因為我揀一塊普通嘅牛扒就唔會發生 都話咗 我對於成世單身係冇所謂 好過逼自己同一個吸引唔到自己嘅人一齊 咁樣慘過食屎 thx