第一次交友app 遇到嘅野蠻女人

我係男 早幾日約咗個交友app識嘅女人出黎食飯行街 傾咗一年先約出黎 樣靚身材好 但係好野蠻: 1. 我同佢去食飯 佢見我俾咗錢 竟然唔會主動開口 話出返自己嗰份嘅錢 最後我冇問返佢攞 但佢就一句 多謝都唔講 2. 佢買完啲野 又唔自己主動話拎番 要我一直同佢拎埋 3. 佢住荃灣 我住柴灣 然後佢主動要求我陪佢返屋企 佢都癡線 咁遠都要我陪 我同佢又唔係咩關係 佢憑 咩要我陪🤮 真係覺得自己靚,身材好就大晒😰 你哋喺交友app 又識過咩野蠻嘅女人呢?
留言
1. 男仔俾錢係風度,aa亦都可以,睇番樓主意願。 個女仔唔識做係真,人地請起碼要講句多謝,太唔識禮儀。 2. 佢買完野係樓主主動幫佢拎定係佢叫? 如果樓主好主動咁幫佢拎,佢可能以為樓主係想做好個印象,就俾機會佢做。 有d男仔係會主動幫忙去示好,如果拒絕就好似唔領情。 但係女仔循例都可以問句「重唔重?不如我拎番。」咁對方都會舒服d 3. 主動要求係想試探你嘅誠意?同第1點差唔多,你肯送係風度,送亦唔係必然,唔送又唔可以等於你小家,做咗係會好d,唔做又唔係錯,都係睇番樓主意願。