第一次交友app 遇到嘅野蠻女人

我係男 早幾日約咗個交友app識嘅女人出黎食飯行街 傾咗一年先約出黎 樣靚身材好 但係好野蠻: 1. 我同佢去食飯 佢見我俾咗錢 竟然唔會主動開口 話出返自己嗰份嘅錢 最後我冇問返佢攞 但佢就一句 多謝都唔講 2. 佢買完啲野 又唔自己主動話拎番 要我一直同佢拎埋 3. 佢住荃灣 我住柴灣 然後佢主動要求我陪佢返屋企 佢都癡線 咁遠都要我陪 我同佢又唔係咩關係 佢憑 咩要我陪🤮 真係覺得自己靚,身材好就大晒😰 你哋喺交友app 又識過咩野蠻嘅女人呢?
留言
其實最主要真係睇一齊左未,同埋睇對方咩年齡層咩圈子咩背景 1. 基本上出親街d男仔都係會主動俾左錢先,我都會俾面佢地唔會爭住俾,如果哩個人我對佢有興趣既話都唔會同佢aa,會話下次請返佢食,咁先有機會再約出嚟,有來有往 如果係fd only/對對方冇興趣的話就會PayMe比對方,佢收唔收另一回事,起碼我已經俾咗,但都有啲女仔會覺得我出左黎,浪費咗啲時間,你請返我食餐飯都好合理,發展唔到起碼賺左餐飯先,咁哩d都係睇人 2. 拎野黎講真心遇到d男仔fd同同事都好錫女仔,我自己買既野就算只係好細袋一開始都係自己拎緊都好,佢地都會話幫我拎,咁我都會講翻唔該,而如果果樣野係重的話基本上佢地都唔會俾女仔拎咁辛苦😂不過都遇過d男仔係會點翻女仔做野,真係睇個人既經歷同bg 3. 我從來無主動要求過要人接送既,但如果係男友既話我真係有好幾任既男友次次出街都係主動去咗屋企接我先再一齊出去,講緊佢地都係無車,然後走嘅時候都會送返我返屋企先走,我住九龍,有啲住得近既可能都係住九龍,遠既講緊住屯門天水圍荃灣堅尼地城都係咁樣接送 而未一齊既其實想相處耐d都會送埋我翻去再傾多陣計之類,至於普通朋友就可能送到車站/搭的士車埋我翻去先走,就算同的士我係最後一個落都好,都會俾定錢我/司機,就算我話唔洗咁多,佢地都會俾哂全程車費 所以點解話好睇年紀同bg都係咁解,24歲以上既大部份都有做上面嘅嘢,無做果d一係生活圈子比較少接觸女仔,一係比較少社會經驗 其實人愈大就會接觸多左對女仔好好既男仔,真係好普遍,個個人接觸既圈子同人都唔同,自然個標準都唔同,所以唔洗話邊d人港女公主病,邊d人係毒男之類,只係大家見慣既野唔同姐,無咩好jugde人,未遇過咁既人咪當聽下人分享囉,無話邊個一定岩邊個一定錯嫁