🙏😭首先好感謝你地睇晒，真是好大篇🥺 有個細妹拍拖喺網上識咗個男仔，個男仔講到自己好勁㗎，都唔知真定假，話自己住九肚山屋企做生意，佢係公司嘅第二把交椅，仲話自己IQ有138 ，自己一個月搵四五萬蚊，我所知嘅就係咁多，咁原本我都冇乜特別嘢想繼續了解，但我想講佢哋拍拖真係超級過分，佢哋啱啱開始拍拖就已經喺我我哋屋企度住，係個男仔呢有前妻，好似2月先簽完紙離婚，然之後二月14開始呢就經常性喺我屋企出現，然之後直接住埋喺度wtf 我老竇都好唔鍾意㗎，但係我老竇個性格係冇乜威嚴嗰啲人，咁佢就淨係會同我講好唔開心呀好嬲呀，咁於是我就由出面搬返去屋企，順便諗住可以解決呢件事啦，但係我發現都係唔work 㗎，跟住我同我細妹好聲好氣講咗四五次之後都係咁，嗰個男仔只係由每一日住喺我屋企變成兩三日過嚟一次，仲要係成日半夜一點幾鐘好似一個賊咁入咗屋，跟住你就會擘大眼唔知點解會多咗個人，屋企仲要洗衫嘅時候洗埋佢啲底衫褲，因為一機咁樣洗，跟住仲要幫佢哋摺埋，其實你哋拍拖鍾意做啲咩都得，但我覺得就係唔好影響其他人，你自己條底線覺得啱啱拍拖就可以同居咁係你覺得OK，但唔等於要全家人全世界都要配合你哋仲要求我哋對住你好好笑容，跟住我細妹係咁強調我仲係處女嚟㗎 ！唔似你同男朋友有性行為，跟住話我係雞🙄wtf......其實我真係冇興趣知道佢係處女定唔係處女,我話我嗰個男朋友拍咗拖八年就算有又有咩問題啊？我話我從來都唔會帶個男朋友上嚟住囉，你話大時節聖誕節情人節倒數我都理解啊會過下夜，但依家係個男朋友日日上嚟住喺屋企沖涼睇電視仲要洗埋佢啲衫，嗰個人仲要係冇俾家用，真心真係好嬲🤯點解可以咁自私 屋企有啲咁嘅人真係好慘，點解唔理人感受仲可以咁理直氣壯，跟住仲要粗口橫飛咁樣話返我哋轉頭，佢話你都有帶過男朋友上嚟啦，我認我有啊，我拍咗拖八年我男朋友嚟咗我屋企應該唔超過6 次overnight，多數都係啲大節日送完我返屋企夜咗咁岩第二日係day off ，而且我老竇都識佢，我老竇仲會叫佢直接喺度瞓啦，所以我係從來冇出現過靜雞雞帶一個人上嚟又冇通知屋企人，什至係我屋企咁樣住，我同BF 想二人世界我哋會俾錢去staycation，之後仲搬咗出去住，其實真係好唔開心有d咁樣嘅屋企人🤦🏻‍♀️ 其實我有懷疑過嗰個男仔係騙子，首先佢講到自己個背景好勁好勁，跟住再用言語藝術講到自己比前妻點樣折磨點樣管制，於是我細妹就縱容佢喺我哋屋企住仲要喺我哋屋企度食煙，跟住我細妹仲勁拍咗拖半個月左右啦就送咗差唔多一萬蚊嘅電話俾個男仔，而嗰陣時我細妹係失左業半年，我想講如果嗰個男仔係真心真意愛一個人，仲要知道你已經失業左半年，係咪正常都唔會想收一份咁貴重嘅禮物先？而且你講到自己咁有錢點解你唔買俾自己，仲要呢個男仔係喺網上識嘅，我細妹話去過佢屋企真係住九肚山喎，又話佢有工人咁樣啦，但我覺得你有冇錢唔係最重要，係你份人有冇教養有冇家教，就算你有100,000,000 ，你份人冇家教嘅話其實都好討厭