真係頂唔順喇 已經唔係第一次 男朋友阿媽有一個習慣 就係好鍾意係我地出街約會到一半嘅時候 急call佢個寶貝仔返屋企 而每次call佢返去嘅理由都層出不窮 有一次係話 佢出左去山kala同佢哋auntie朋友打牌 但係屋企有煲湯 好肯定出門口果陣唔記得熄火 就叫我男朋友即刻衝返去屋企 如果唔係驚火燭🔥 又有一次 我地睇緊戲嘅時候見到佢打電話黎 佢話自己胃痛到縮埋一舊響地下飆緊冷汗 電話裡面把聲震曬 我男朋友好擔心就帶埋我半路離場 結果翻到去 auntie行得走得坐左響梳化睇電視食花生 （真係食緊一粒粒花生🥜） 好啦 到尋晚 auntie又出招 我同男朋友book左staycation 係夾左兩個月兩個人終於忙完 完sem出去玩嘅大好日子🥲 結果有收到auntie打黎話 前兩日打完針之後佢胸口好痛 唔知係咪心肌炎 定係啲咩疫苗副作用 佢打黎同佢個仔喊住口咁話自己好驚 會唔會因為心肌炎就冇命乜乜柒柒咁 我男友作為獨生子 擔心阿媽心切我明嘅 咁就 又返去佢屋企啦 點知呢 你估下auntie今次點樣迎接我地？ 佢話 佢出新界嘅時候 買左我男朋友細個最鍾意食嘅糖水 叫佢快啲埋位食（係啊係冇我份㗎🙂 我真係委屈到淨係可以緊緊捏住自己個拳頭 真係好嬲 唔係嬲我男朋友 係嬲佢阿媽次次都咁樣耍我地 auntie你唔鍾意我咪講 洗唔洗下下都破壞我地約會 我男朋友孝順你呢點我好欣賞 但每次佢都比你嚇到失曬魂其實我見到都心痛 個世界唔止得你錫佢 我都好鍾意佢架 狼來了呢個故事都唔係唔出名啊🐺 下下都咁樣呃個仔返黎 搵次真係出事 但係你信用已經破產嘅話 我都鄧你可惜啊（狠左少少 但真係好唔開心😭