1)一開始唔同我講有女朋友，扮單身追我，拍緊拖果陣同我講其實有女朋友，表示希望同時要哂兩個女朋友，但係扮無辜表示此非自己原意，只是巧合愛上多於一個女生，想給自己多一個選擇而已。 2)不停提起ex，包括床事，表示非常懷念 3)不停打壓，話樣唔夠靚，未夠聰明，身材未夠好，總之咩都未去到佢想要既最好，但係撇清自己問題，話會接受不完美，只係平時開口埋口都係貌似開玩笑的嫌棄 4)情緒起伏大，一有自己唔開心或者唔如意既事，無論是否與我有關，總會發洩係我度，例如威脅分手，話要搵其他女仔 5)過分的開玩笑，甚至可能係認真。不停講話要出去搵其他女仔，希望知道我因此唔開心，佢先滿意。 6)對於其他異性，一律不拒絕，向我炫耀有女仔追求，甚至以非自己做主動作藉口不拒絕。 佢有佢既好，所以我深知自己被情緒霸凌一年都冇辦法分手，甚至係佢鬧分手果陣主動示弱挽留，但係最近有更加過分的跡象，求大家屌醒🙏