女朋友唔體諒我情人節要去喪禮😵‍💫

呀公前排過身,訂咗2月14要搞喪禮 親人嘅喪禮我冇可能夜晚先出現 基本上嗰日我都要全日stay喺嗰邊 我同女朋友講今年情人節正日陪唔到佢過 不過一定會提前同佢慶祝 禮物都唔會小 點知佢聽完之後全日都冇覆過我msg 夜晚我問佢係咪嬲呀 佢話唔理解點解情人節會係去呀公喪禮優先過陪佢 仲話 佢都死咗 都唔會知你有冇去佢喪禮 😵‍💫 今朝睇到個msg已經嬲到同佢講分手 癡撚線 理解唔到點解佢會講得出咁嘅說話
留言
大癲,男朋友屋企人過身喎 安慰都無句,反而發脾氣 到底依家D人諗緊咩,屋企D教育到底有幾失敗先會講D咁嘅嘢 睇親Dcard D post 都懷疑人生 真係有咁多白卡嘅咩😨