男朋友偷偷地放我啲嘢上Carousell賣

我覺得自己份人係有少少購物上癮,因為成日見到咩都想買, 有時屋企個啲未用完,仲有spare, 都係會忍唔住再買返屋企放。 因為係月光族,一到月尾就冇錢食飯, 所以會食好少嘢或者索性唔食, 男朋友就會話我, 我知佢係為我好, 但係為咗避免同佢嗌交,所以我成日買咗嘢都唔同佢講。 但係其實佢都知我有一直買嘢, 有次佢同我講佢有偷偷地放我啲嘢上Carousell賣, 仲話我從來都冇發現過啲嘢少咗,所以嗰啲嘢係我根本唔需要, 然後收返嚟嘅錢佢係會留到月底買食嘢俾我,只不過冇同我講啲錢原本就係我嘅。 其實我好嬲但係我唔知用咩論據同佢嘈,因為我嘅購物習慣真係有啲病態, 我依家係同佢冷戰緊,諗緊點樣同佢嘈...
留言
樓上幫男朋友嘅回應真心唔get🥲 而家男朋友無問過原po同唔同意嘅情況下拎咗屬於原po嘅岀去賣 其實我想講依啲係叫做偷 唔知原po嘅嘢貴唔貴啦 如果啲嘢賣咗500蚊 男朋友用咗200請原po食飯 其餘自己唔岀聲袋咗,咁可唔可以叫中飽私囊? 而且佢月尾請原po食飯將自己個形象塑造到令原po覺得佢係個好好嘅人,但啲錢原來係源自原po未經同意下得到返嚟嘅錢 不論佢嘅岀發點係咩嘢,都好值得分手
B24(已編輯)