男朋友偷偷地放我啲嘢上Carousell賣

我覺得自己份人係有少少購物上癮,因為成日見到咩都想買, 有時屋企個啲未用完,仲有spare, 都係會忍唔住再買返屋企放。 因為係月光族,一到月尾就冇錢食飯, 所以會食好少嘢或者索性唔食, 男朋友就會話我, 我知佢係為我好, 但係為咗避免同佢嗌交,所以我成日買咗嘢都唔同佢講。 但係其實佢都知我有一直買嘢, 有次佢同我講佢有偷偷地放我啲嘢上Carousell賣, 仲話我從來都冇發現過啲嘢少咗,所以嗰啲嘢係我根本唔需要, 然後收返嚟嘅錢佢係會留到月底買食嘢俾我,只不過冇同我講啲錢原本就係我嘅。 其實我好嬲但係我唔知用咩論據同佢嘈,因為我嘅購物習慣真係有啲病態, 我依家係同佢冷戰緊,諗緊點樣同佢嘈...
留言
我都係過來人,以前係月光族不特只,有時仲要月尾問朋友借錢渡日🥲我明白你俾人賣咗啲嘢出去係會燥底嘅,呢個係consent問題,冇問過物主同意就賣人嘢始終都係唔啱(我男朋友係嚴重到禁止人哋掂佢啲嘢,我賣佢嘢佢一定會嬲到要分手😇),不過我諗可能係你男朋友好心急想證明畀你睇你嘅生活方式有問題,所以先會揀咗呢個錯嘅方法,我見你話佢月底買嘢食畀你都係想哄返你開心&唔想你唔食飯,證明佢係愛你&心痛你嘅,建議你同男朋友好好咁溝通下,話畀佢知你冇因為佢呢個行為而感受到愛而係覺得不被尊重、希望佢下次唔好/問咗你先,everything is gonna be alright❤️但我都想借呢個機會勸下你,作為一個月光族過來人,儲錢真係好好好重要(我每一秒都後悔緊)🥲我因為同屋企人有衝突所以要自己一個搬出去住(真係零planning下拖喼即走),但我呢個月光族銀行長期係冇錢,搞到我每個月都要好辛苦咁節衣縮食,有時真係連47蚊一個飯盒我都唔捨得食,要成日飲齋啡skip lunch😭齋啡仲要係男朋友送嘅我先捨得飲😭😭😭不過我都明消費習慣係好難改,我都要好似而家咁樣窮過、餓過,我先知道原來行街係可以零消費意欲(因為真係會窮到冇飯食 怕怕😭)建議你襯你未有突如其來嘅支出就儲定3 4萬旁身先(醫療開支真係可以好大,我試過智慧齒突然劇痛,喊住打電話book牙醫,發現間間牙醫都要排半個月,搞到最尾搞咗間貴嘅,開刀剝三隻智慧齒&補牙用咗我兩皮嘢😇),或者你可以退一步諗下點樣喺滿足你嘅物慾嘅同時最大化利潤/減少支出,例如買衫褲鞋襪行多幾間鋪頭,計下邊間鋪頭折頭最大先再買;禁止衝動消費,睇完覺得好正,過幾日先再去買;買新袋前要放咗屋企一個袋上carousell&賣出先;揀下邊張信用卡回贈多啲;去龍豐兆萬ig shop買化妝護膚品,打死都唔去專櫃;買衫前諗下件衫一年可以著幾多季,冬天衫少買為妙;買日用品去大生、759,買餸去街市(舊街市,唔係領展嗰啲有冷氣靚街市,記住唔好著得太靚&一定要講價) 千祈唔好覺得自己做唔到,可以由每日記帳開始做起,月尾你就可以睇返到底你係邊類支出最多&檢討返,然後喺下個月set返每樣支出嘅budget,每次買嘢就會好似打機做任務咁,望住你手上仲有幾多錢🤣而家啲手機apps好方便,自動gen晒啲pie chat bar chart出嚟,勁易睇!同埋你越記就會越唔想洗錢,因為每日都會睇住你個資產淨值跌緊😂 加油❤️❤️❤️