男朋友偷偷地放我啲嘢上Carousell賣

我覺得自己份人係有少少購物上癮,因為成日見到咩都想買, 有時屋企個啲未用完,仲有spare, 都係會忍唔住再買返屋企放。 因為係月光族,一到月尾就冇錢食飯, 所以會食好少嘢或者索性唔食, 男朋友就會話我, 我知佢係為我好, 但係為咗避免同佢嗌交,所以我成日買咗嘢都唔同佢講。 但係其實佢都知我有一直買嘢, 有次佢同我講佢有偷偷地放我啲嘢上Carousell賣, 仲話我從來都冇發現過啲嘢少咗,所以嗰啲嘢係我根本唔需要, 然後收返嚟嘅錢佢係會留到月底買食嘢俾我,只不過冇同我講啲錢原本就係我嘅。 其實我好嬲但係我唔知用咩論據同佢嘈,因為我嘅購物習慣真係有啲病態, 我依家係同佢冷戰緊,諗緊點樣同佢嘈...
留言
成個腦睇完啲trending comment就係 到底發生了甚麼事 樓主消費習慣固然係一個問題 樓主自己都知 但男朋友擅自攞左樓主嘅嘢去賣都係一個問題🌚 而唔係所謂幫緊佢 仲話樓主唔發現就無所謂 畀着我我會覺得根本就冇張中和 不過明男朋友想幫手嘅 但個方法錯錯地🤓 btw建議樓主唔係諗點嘈 係諗點溝通 嘈純粹為發洩不滿 嘈完唔會有結果 真係預分手