男朋友偷偷地放我啲嘢上Carousell賣

我覺得自己份人係有少少購物上癮,因為成日見到咩都想買, 有時屋企個啲未用完,仲有spare, 都係會忍唔住再買返屋企放。 因為係月光族,一到月尾就冇錢食飯, 所以會食好少嘢或者索性唔食, 男朋友就會話我, 我知佢係為我好, 但係為咗避免同佢嗌交,所以我成日買咗嘢都唔同佢講。 但係其實佢都知我有一直買嘢, 有次佢同我講佢有偷偷地放我啲嘢上Carousell賣, 仲話我從來都冇發現過啲嘢少咗,所以嗰啲嘢係我根本唔需要, 然後收返嚟嘅錢佢係會留到月底買食嘢俾我,只不過冇同我講啲錢原本就係我嘅。 其實我好嬲但係我唔知用咩論據同佢嘈,因為我嘅購物習慣真係有啲病態, 我依家係同佢冷戰緊,諗緊點樣同佢嘈...
留言
病態到俾人賣咗啲嘢都唔知,建議你去睇醫生啦,仲嚟問點樣同男朋友嘈 lol 佢係要偷你嘢嚟賣嚟賺錢嘅話,就唔洗同你坦白自己有咁做啦 大洗到咁,係人都覺得同你一齊唔會有將來啦大佬,依家你揾好多錢咩?唔洗儲錢買樓結婚?好彩仲未用信用卡借錢買啫,月光族無影響到人咩真係?你以為自己月尾唔食飯就得,你知唔知身邊嘅人會幾擔心你做乜又無錢食飯?你可以話你要求過佢買嘢俾你食呀,咁諗嘅話咪自撚私囉!男朋友無同你分手算你執到啦,仲唔去睇醫生等人同你分手到時唔好上嚟喊