因為工作關係，係內地識左一個女仔，佢23歲，我28歲，同佢拍左兩年拖，最近話要結婚。識佢個震都知係一個比較現實嘅女仔，不過因為係大陸大部分女仔都係好睇重錢，同埋社會風氣問題，大部分開支都係要由男仔付出係件好平常嘅事，同埋我都知道係中國，一般家庭結婚都會要求：有樓有車+禮金，但我冇諗過事實原來係要咁多... 佢嘅要求係：25萬禮金+有樓+婚後唔想返工 但錢財要俾佢主管 但講真，搞婚禮，婚紗，影相個啲已經要用好多錢。自己每個月仲要供樓，邊到黎嘅25萬禮金，仲要結婚之後唔返工... 重點係佢仲同我講，叫我去問父母借，但我父母已經咁老，冇理由無啦啦仲要佢地拎幾十萬出黎... 其他地方其實都冇乜問題，生活都尚算融合，但講到結婚，真係好無奈，唔明白點解愛情要同金錢掛鉤。

個人覺得現實會比呢個統計再高

（順帶一問，想知係香港大部分係要幾多禮金？）