文長慎入，我身邊實在太多人經歷過，忍唔住有感而發 黐線你男朋友真係好有問題，我喺呢個post睇到你男朋友係個典型嘅父權社會大男人，愛面子、害怕失敗、自我中心、忽略他人感受、認為將來自己成為家庭經濟支柱出去賺錢，自己就會係付出最多嘅人&身邊嘅人都要因為佢出外工作得到幸福而感恩 其實你自己都講咗，佢而家得萬零蚊收入，分分鐘連自己都養唔掂，何況係娶妻生子組織家庭？如果係對將來有夢想同你講「第時我一定會發達㗎你嫁俾我啦」完全冇問題，但問題係佢真係淨係得把口，一方面冇喺現實努力諗辦法增加自己收入、淨係諗埋啲旁門左道/得個講字，根本就成個小朋友咁，一啲都唔成熟，第時有咩資格做人老竇？；二嚟佢打算講大話呃自己屋企人錢，呢個係好嚴重嘅誠信問題，連屋企人都呃得落，第時同你結婚係咪呃埋你同你屋企人啲錢？三嚟佢因為自己窮、要女人畀錢而覺得自卑(父權社會要求男人要有錢&養得起女人，所以佢面對你同你屋企人先會咁自卑)，但佢而家冇辦法改變現狀，竟然就選擇咗遷怒於你同你屋企人，而唔係檢討自己，甚至佢嘅手法係要你辭職湊仔、等你嘅社經地位都低過佢、因為要靠佢搵錢而焗住倚賴佢，成件事對任何一個女性嚟講都係侮辱，憑咩要我哋做師奶去維護佢嘅可憐嘅自尊😓你自己冇上進心冇辦法冇能力解決自己嘅問題，點解要女性自願剝削自己嘅社經地位去成全你、等你冇後顧之憂😓我以上咁講係冇誇大，正常如果一對情侶要組織家庭，雙方父母都會審視返自己仔女經濟能力如何。一個搵得萬零蚊嘅人想同自己仔女組織家庭，我係父母我都會反對，不論男女😂因為錢呢樣嘢真係好現實，生活處處都要用錢，如果對方社經地位低，咁咪即係代表我嘅寶貝仔女要辛苦埋你嗰份，所以去到談婚論嫁就冇得講咩拜唔拜金，邊個父母會想自己仔女陪另一半捱窮😓但你男朋友依然選擇咗通過貶低你嘅屋企人、指責你屋企人拜金，去維護佢自己嘅自尊，完全係一個自私嘅行為。我嘅眼中會覺得你男朋友係真係太幼稚、同啲食飯唔知米貴嘅中學生冇乜分別，淨係識得shame人哋去維護自尊嘅同時，根本完全冇諗過現實中組織家庭係要有咩責任同代價，信口開河話要娶你同生小朋友，根本就係不負責任嘅行為😕 仲有就係佢話要養你一世嗰part，佢直頭係活喺自己嘅世界入面、一廂情願咁覺得只要你辭職喺屋企湊仔就係「少奶奶」、「幸福」，然後自己就可以做個獨自撐起屋企嘅「大男人」，之間嗰二十年你同埋個仔都要仰賴佢、多謝佢。我會話佢呢個價值觀係最危險，講真全職家庭主婦係真係好慘好辛苦，並唔係講話男人出去搵錢俾你洗就會過得幸福，一個啱啱生產完嘅媽媽根本就唔會湊得掂個小朋友，淨係每隔兩個鐘餵奶你都已經想死，但你有冇信心將來佢放工返到屋企會幫你湊小朋友而唔係直接上床瞓覺唔會幫你手？佢會唔會有錢請陪月請工人？佢父母會唔會嫌你洗佢個仔嘅錢而刁難你？😇仲有就係湊大一個小朋友講緊係犧牲緊你嘅所有嘢，你每日就係忙於喺屋企做家務、湊小朋友，等小朋友大個咗仲要督促佢做功課、監管佢嘅行為，呢啲看似簡單嘅工作講緊就算係全職工人姐姐都會覺得好攰好攰好攰，你有冇信心你呢個男朋友第時放工返屋企會幫你湊小朋友幫你做家務？你有冇信心佢第時佢唔會話「吓我返工已經好辛苦、放工淨係想返嚟唞吓，你係屋企全日咁輕鬆點解你唔做blahblahblah、我有俾家用你㗎點解你唔乜乜乜乜乜」😇到你小朋友上小學中學，有空餘時間但年紀大又冇工作經驗嘅你可以搵到啲咩工？如果呢10年內你同老公有咩爭執甚至家暴，你喺冇經濟來源又湊住個仔嘅情況下敢唔敢離開佢？ 我真係冇嚇你，呢啲全部係我身邊嘅真人真事，我亦都喺ngo前線返工，實在見過太多太多太多呢啲同類案例。同一個心智未成熟價值觀有問題嘅大男人結婚生仔係等於賭上你嘅人生，幸運嘅話佢真係會努力向上搵好多錢返嚟改善生活，但絕大部份嘅大男人就算生完小朋友都唔會有任何大嘅改變，你到時只會變咗湊住兩個仔🥹所以各位女仔真係要小心，嗰啲話咩叫你辭職喺屋企湊仔做少奶奶嘅嘢真係唔好信，女人無論咩時候都應該保持經濟獨立、保留返對自己人生嘅話事權，只要你冇錢就會冇咗同另一半平起平坐嘅barging power。 你男朋友今日叫你可唔可以扮不育俾面佢，聽日如果你哋有咩爭執，有冇諗過佢會一而再再而三要求你做啲不合理嘅事情？真人真事，我身邊有女仔同老公嘈交、一氣之下離家出走返娘家，但後尾佢老公竟然威脅佢喺男方父母面前扮出軌、扮受人唆擺搞到一時諗錯隔離先要離開佢身邊in order to維持嗰位男嘅「面子」。最尾呢位女性朋友係礙於同佢育有小朋友、要維持家庭關係，所以妥協咗，但呢個死貓就係跟住佢一世，之後無論發生咩事，男方父母都認定嗰位女性朋友一定係罪人、乜嘢都遷怒於佢、覺得佢拖累自己個寶貝仔🥴 仲有就係你要知道你擁有自己嘅身體自主權！個子宮係屬於你嘅！你有權決定你用咩方式生仔，亦都有權決定生/唔生！生仔講緊係半隻腳踏入鬼門關，好多入過產房嘅老公都會可憐自己老婆&唔想老婆再生，佢憑乜嘢話因為自己已經接受戴綠帽，所以你就要為佢接受用唔鍾意嘅方式、半隻腳踏入鬼門關咁生小朋友！呢一點同時都反映咗佢嘅大男人問題真係好嚴重，喺佢心入面個天秤上，自尊、名譽、地位、經濟能力、另一半係咪貞節，全部都可以用嚟做砝碼，甚至將呢啲嘢睇得比你嘅個人意志、情緒、健康都更重，甚至展現出佢對你嘅控制慾，你連你做唔做試管嬰兒嘅選擇權都唔喺你手上&不斷用情緒勒索方法強迫你妥協、獻出你嘅子宮去為不育嘅佢生一個小朋友。打到呢度真係要勸你快啲清醒，佢食煙飲酒造成嘅後果點解要你同你嘅小朋友承擔？你嘅小朋友知道佢爸爸唔係親生嘅會有咩感受？你呢個男朋友將來會唔會對呢個唔係親生嘅小朋友有距離感？佢第時發脾氣上嚟會唔會話呢個小朋友唔係佢親生嘅所以有咩問題都係一定你遺傳&你教得唔好？ 拜託你真係要清醒下🙏🏻成件事真係好嚴重好嚴重好嚴重，我身邊好多女仔嘅人生已經因為咁而毁咗，係一個咁樣嘅家庭下生小朋友只會累咗小朋友嘅一生🙏🏻🙏🏻🙏🏻