如題，我想食蛋包飯好耐，今日提咗之後，男朋友話好，夜晚去食。有問我幾多錢，但係我覺得佢會嫌貴，我話我請搪塞過去。到咗夜晚，佢問係咪去食，再問多次幾多錢。我自己覺得係可接受價格，答108，佢話貴不想食。我話我請，我想去食。佢堅持話，唔值呢個價，叫我俾一個強力理由佢。我話個理由係我想食。我心諗，我請，我想食，你唔使俾錢只係陪下我，108甚至只係落茶餐廳食個晚市嘅價錢，主要係我想食好耐，佢一直用貴黎推我，我開始唔爽。 然後佢都係話唔抵，咁我都冇耐性再叫佢食，咁就唔食，佢見我嬲，改口話去食。但，有句野叫伸手要嘅糖唔甜。我表示唔想食啦，佢話我發脾氣。我係發脾氣啊，錢都比我嘅情緒價值重要，我仲開開心心同你講，好啊去食？我逼你去食咁，反正我冇mood去啦。到我沖完涼返去，佢話我小朋友發脾氣。我認我發脾氣，我亦都唔指意佢做咩氹我，大聲講多幾句之後我都懶得嘈，換個笑面話，我唔發脾氣啦，唔食啦好冇，我錯我錯。講真，拍拖就想係你面前做個小朋友，想要被重視，或者我睇情緒價值睇得比較重，但係連食飯都唔想滿足我，我想做個小朋友嘅資格都冇。 佢話，要去食蛋包飯嘅人係你，咁我宜家話去食啦，話唔去食嘅人又係你，你唔覺得你有問題咩？點解要將件事往大嘅講？ 個重點唔係蛋包飯，我覺得我冇俾你重視，我發脾氣先求到你同我去食，你話我將件事扯太大。係我問題。但係我只係要有被重視嘅感覺，都係我錯？笑咗。其實只係件好小嘅事，但係起碼呢個moment我好sad。各位嘅評論都係感情問題一律分手，唔打算分，我都只係send黎呻下苦。