私樓搬去公屋唔適應可以點做？匿名港澳感情事板匿名25/12/5因為男朋友私樓搬去公屋？我同男朋友拍咗兩年拖，感情都穩定，亦都感覺對方俾到好多愛同安全感我。不過佢出身基層，屋村長大，住緊公屋。我雖然唔係富裕家庭，但自小都係住私樓。我父母知道我男朋友家庭背景，都有少少微言，成日講到公屋好恐大家好，我一個月前出咗個post，問應唔應該同男朋友搬去公屋同居。因為原本當時都有啲留言問個背景，所以喺度講清楚啲，大致其實就係我住貝沙灣，男朋友住新界區公屋（已經買咗嘅舊公屋）。聽咗好多網民意見，嗰陣時以為自己有能力適應，但搬咗入去之後，先至知道完全唔係咁樣…..🥹我高估咗自己嘅適應能力。 其實，搬咗入公屋先發現真係好唔適應，而家我可以點？ 想再問下大家意見，因為呢個問題我諗咗好耐，越諗越矛盾。 正如上一個post咁講，我由細住私樓，後來因為同男朋友打算同居，加上佢父母為咗我哋搬走，留返間公屋畀我哋住，我就搬咗入去。一開始我都同自己講，要試下適應，唔好一開始就話唔得。 但住咗一段時間，我開始發現自己真係好唔習慣，而且唔係一啲「忍下就過」嘅小事。 最明顯嘅係生活支援同安全感。 以前住貝沙灣，屋企有任何事——水喉漏水、門有問題、樓上嘈——一個電話打去管理處或者保安，通常好快就有人上門處理，個感覺係「有人喺後面托住你」。 而家住公屋，基本上乜都要自己搞，冇人會即刻理你，遇到問題只可以自己想辦法。理性上我明白係制度唔同，但心理上真係落差好大。 生活模式亦完全唔同。 以前食飯，一係落住客會所餐廳，一係工人姐姐煮好，返到屋企就食。 而家就要自己諗買乜餸、自己煮、自己洗，對好多人嚟講可能好正常，但對我嚟講係一個好大嘅轉變，我到而家都未完全適應到。另一方面，以前屋企保安真係好有禮貌，會主動打招呼，如果有訪客或者送貨，都一定要登記，先至上到門。我都知道公屋保安冇咁好，但係原來真係形同虛設咁（試過幾次見到保安瞓覺）。至於公共空間，我都知道肯定會係好殘舊，本身亦都冇乜期望。但係搬到去嗰下，先至感覺同自己落差咁大。之前一層兩梯兩戶，冇咁多閑雜人等出入，感覺寧靜同埋私隱度高啲，但係而家一層廿幾戶，成日都好嘈。 居住空間更加係衝擊。 以前住三房一套，連工人套房，有海景，空間感好大，各有各私人空間。 而家搬到一個好細、好擠迫嘅單位，收納位少，行兩步就撞到嘢，情緒上真係會覺得壓迫，唔係誇張，係每日都會感受到。 自己平時鍾意游水，以前貝沙灣住客可以免費用會所健身室同泳池，隔日都會游一次水。我都知道公眾泳池嘅衛生情況同貝沙灣嗰個會有落差，但係我去過兩次，都係接受唔到嗰個感覺，覺得好多人同埋污糟，有陣時都會忍唔住，星期日返去原本自己屋企食飯嘅時候，都會去返貝沙灣泳池游水。其實，返到原本屋企，先至覺得係真正屋企嘅感覺。 每次返到去自己原本屋企同父母食飯，都會爭啲想喊，覺得自己對唔住爸爸媽媽，當初佢哋建議我唔好搬去公屋住，話我一定捱唔到。係我一意孤行，以為自己可以適應到個生活😞，點知最後真係好短時間就適應唔到。我唔敢同我父母講，每次佢哋關心我，問起我住成點，我都只係勉強講幾開心，但其實只係我唔敢喺佢哋面前喊，因為我知道咁樣只會令佢哋更加擔心😭 我想講清楚，我唔係話「公屋一定差」，亦唔係睇唔起任何人。 問題係，由一個生活模式跳去另一個完全唔同嘅模式，我發現自己真係好辛苦。 而家最大嘅掙扎係： 如果我選擇搬返原本屋企，我會覺得好對唔住我男朋友父母，因為佢哋真係為咗我哋搬咗去第二度住； 但如果我繼續勉強住落去，我又好清楚自己係每日都唔開心，長遠一定會影響我自己，甚至影響段關係。 當然，長遠啲嚟講，父母有其他收租物業，我知道佢哋好錫我，佢哋都話如果我將來結婚，可以俾一間我同我未來丈夫住。（不過我都感覺我屋企人唔係好鍾意我男朋友） 至於我男朋友，我覺得其實佢都上進，只係我同佢係對居住環境嘅期望同要求有好大嘅分歧，佢覺得住公屋冇乜太大問題，有間買咗嘅公屋，冇必要再出去租樓。其實已經唔係講貝沙灣，出邊decent 少少嘅租盤，兩萬頭一個月，每人一半，佢都好似唔係好想。 所以我想真心問下大家：如果你係我，會點揀？呢種唔適應，係咪時間耐啲就會好？定係其實我應該正視自己嘅感受，而唔係勉強自己撐？ 我而家唔係想搵人認同我啱，純粹真係想聽下唔同角度嘅意見，因為我自己已經諗到好亂。 多謝願意睇到呢度同畀意見嘅人。🙇🏻♀️感情愛情日常價值觀心事
港澳感情事板匿名25/12/5因為男朋友私樓搬去公屋？我同男朋友拍咗兩年拖，感情都穩定，亦都感覺對方俾到好多愛同安全感我。不過佢出身基層，屋村長大，住緊公屋。我雖然唔係富裕家庭，但自小都係住私樓。我父母知道我男朋友家庭背景，都有少少微言，成日講到公屋好恐
