B32 唔好意思啊 大家 因為某些個人恩怨 我哋有啲影響到你地添 回應返你嘅問題 1. 我哋其實主要係用第五梯次過嚟嘅，所以其實都算係自費生，而公費生其實指嘅係台灣人領取政府資助去就讀醫學系嘅，同我哋冇關係。至於個人申請醫學系嘅部份，據我了解依家只有長庚大學醫學系有個人申請嘅部份，其他都係聯合分發，而長庚個人申請競爭好激烈，你可以考慮吓 2. (以下都指best 5) 其實因為每一年嘅分數都唔確定，但係可以講嘅係台大大概32-33分左右，陽明係31至32，長庚係29至31，北醫起碼要27，而其餘嘅話就要睇當年競爭嘅人分數有幾多，好比如高醫可能21-22都入到，但我都係建議攞住22分或以上會比較穩陣 3. 其實台灣有句說話講，除台大以外嘅醫科都係一樣，因為其實只有台大出嚟個名會響啲，其他嘅話都係主要去返自己嘅教學醫院進行實習訓練，之後再去揀其他醫院進行住院訓練，就好比如我哋高醫year5-6都會留返喺我哋高雄嘅醫院度訓練，而畢業後會再進行兩年PGY工作，再之後會選醫院進行專科訓練。咁其實回應返你嘅問題，台大陽明當然會好啲，畢竟都係國立出嚟嘅，但相應而言你需要嘅分數就會高好多，起碼要30分(Best 5)以上先穩陣，但其實如果你私立出嚟入返私立醫院反而人工會比起你國立出嚟入返國立醫院高好多 (10萬>6萬台幣) 如果有咩問題可以隨時搵我哋問