因為有啲掛住海洋公園萬聖節既鬼屋 上網搵下台灣有咩鬼屋見到妮個東京恐怖學園鬼屋 去過都幾唔錯 諗住推介比大家🙆🏻‍♀️ 等大家黎台灣既時候都有地方去下～ 位置係板橋捷運站一號出口既麗寶百貨商場 行到去全家隔離既電梯搭上11樓就會見到入校須知啦

入左布幕後 鬼屋既氣氛已經出曬黎 特別係BGM 聽完都覺得毛骨悚然😖

入到去工作人員會問想玩邊個館 裡面總共有兩個館 A館殭屍館：視覺上嘅衝擊 會追住你 遊玩感覺比較刺激🥵 B館幽靈館：聽覺上嘅感受 毛骨悚然嘅感覺😵‍💫 之前上fb睇平日正係開一個館 但工作人只同我講平日朝早兩個館都有開 我同朋友二話不說狗衝玩雙館🤑 可能因為朝早過嚟 人冇咁多 所以排咗半個鐘左右就已經輪到我哋🥳 玩後心得： 算係我玩過最好玩既鬼屋了 裡面無論劇情 佈置 氣氛 音效都營造得好好😍 同海洋公園比 妮個鬼屋既壓迫感更加真實 嚇人既位都有 有啲估唔到既地方都有驚嚇點 入面既npc 都超級敬業 同朋友入去比佢哋嚇到傻左

總括黎講 大家暑假喺台灣冇咩地方去 或者黎台灣旅行嘅人 十分推薦大家嚟玩一次！但佢正係到9月10號 所以大家快啲把握時間去呀🥶