Hello各位，有野想請教，所以簡單介紹下我背景先： 今年26歲，出社會一年多少少，宜家做緊化妝品專櫃sales。 24歲由逢甲退學返香港，退學原因簡單黎講係身心健康問題，苦撑四年一直逼自己讀落去但狀態都係時好時壞（好嗰陣係讀到），到到第六年發現自己個困境好難改變，亦都同教授傾過自己嘅困境；如果好想畢業就要考轉學考由大二開始再讀，但有可能27歲先大學畢業。嗰陣自己嘅判斷係如果自己再死撑落去唔只自己辛苦，亦都會浪費父母金錢以及自己時間，所以索性退學返香港喺社會經歷下。 但喺呢一段時間自己並不是沒有得著，我喺大二遇到我教我化妝的老師，成為老師的助理後先開始面對我自己其實好中意彩妝呢條路嘅心情，亦都開始自己接唔同嘅job 做、甚至試咗唔同類型的兼職、努力出去社交、運用學校資源參與一啲比賽活動等等。亦都喺台灣人身上學到佢地值得令人欣賞的特質及能力，我可以變得好似宜家咁，除咗我個人本身的努力，亦都係台灣令我成長，所以我係好喜歡台灣。 返香港一年多少少後，始終都係覺得台灣係自己心之所向，所以想再試一試讀書移民呢條路。 由於我好肯定我係會喺美業發展而且都有進修的想法，所以我想報化妝品應用系。首要考慮的學校係中科大以及弘光；我個人偏向弘光，弘光實務經驗、造型上比較強。 咁如果我報的話再經海華報係咪都係會再讀四年？我想報二技，但由於我嗰張係修業證書非畢業證書，所以我諗可能會冇辦法走海華申報。 但如果我申報單獨招生，可唔可以一樣用修業證書去申請二技？ 以上係我嘅問題，多謝睇完並解答我的大家。