好多人唔明，其實返pt嘅目的唔係為咗賺錢，而且為咗出嚟社會做嘢做好準備、增廣自己嘅見聞、學識同唔同背景嘅人相處，甚至可以從中了解到自己嘅興趣，知道咩工啱自己、咩工唔啱。 我屋企係小康之家，錢我從來都唔缺，但我考完dse後，就一直有返pt，返到升year 3個sem break(之後就開始返part-time intern)，因為我覺得自己需要俾社會磨練下，咁樣先會成長。雖然啲pt同我major完全冇關係，但其實我都得到好多嘢，例如我知道咗自己真係完全唔啱做體力勞動、啲嘢好重複性嘅工，仲學識咗同唔同人有唔同嘅相處方式、點樣先唔會俾人蝦等。雖然聽落呢啲好雞毛蒜皮，但其實對我嘅人生都有好大影響，依家出咗嚟社會做嘢，都會發現自己比同齡人係識得處事好多，條路都順過其他人(人工高過其他人、升職都快過其他人) 當然，我除咗返pt，都有上莊、拍拖、學習技能，雖然讀書方面最後得second up，拎唔到first hon有啲可惜，但我覺得值呀 利申：我依家23歲，唔好當我係old sea food