放咗4個幾月sem break，我抑鬱嘅情況有好轉，但原來重返戈個校園見返戈一班同學之後，我又再次想自殺。 我咁辛苦咁努力考入嚟，實現咗多年嚟嘅夢想, 但原來全班就只有我一個係真係想做老師。「你估我好想入嚟垃圾教大呀，我本身入三大嫁，只不過我冇温過dse，唔好彩先入咗嚟。」冇錯身邊個個同學都係名校出身，因為英教好揾食先入咗嚟。 我以為自己band 3出身asso升到英文老師就可以幫返能力弱嘅學生，結果我連自己都幫唔到自己。身邊個個同學都高人一等，睇唔起你，排斥你。「都唔知點解有人dse best5 連20分都冇，有腦嘅都考到la，如果將來我啲學生都咁弱智，我實玩死佢」平時返學就要畀佢哋西面藐你嘴，相隔中學兩年，就喺入大學嘅第一個月，我嘅抑鬱症就係咁樣復發咗。 人家有咩苦都可以有屋企人陪伴，但佢哋就係我抑鬱症嘅來源，佢哋咁多年嚟對我造成嘅傷痕已經成為咗我身上永久嘅疤痕。 因為個課程安排，日日都一定會見到major班人嘅嘴臉：😒😒😒😒😒，我以為我學返佢哋黑面、學返佢哋講返佢哋是非，我就會開心啲，但係呢個真係我想要嘅嘢咩？我想要嘅只不過係一班志同道合有heart教書嘅同學。但我只可以每日落堂之後自己就匿埋一個人不停不停地喊，根本就唔會有人care。 當你以為喺班上終於識到志同道合嘅朋友，好多嘢其實都真係得自己嘅一廂情願，你當人哋真心朋友，人哋只係當識多一個人。你同人交心，人哋只係當你戇鳩。 冇㗎，自己以為自己搵人幫手、定期見counselor情況就會有好轉，但個根源根本就冇分別，我每日上堂見到嗰班高人一等嘅英文系同學黑我面睇唔起我，我心口真係好痛、我真係抖唔到氣、真係呼吸困難，要扮去廁所跑出課室我先開始呼吸到。但我唔甘心，我自己用咗咁多年時間咁努力考入嚟，難道要因為呢班人而停學？ 但我每日瞓醒，諗起又要返學見到呢班人我真係好想自殺。我做老師係真係想幫啲同我一樣能力唔高嘅學生，但係我一個人嘅力量改變到個教育制度咩？改變唔到呀。讀得英文系嘅人多數係band one學校出生，佢哋將來依然都會睇唔起啲英文差嘅學生，我改變唔到呀，我咁辛苦每日温英文，入到嚟英文教育係為咗啲咩？ 傷害過我嘅人永遠都唔覺得自己有做錯，佢哋每日都依然係咁開心咁生活落去，但係佢哋嘅嘴臉就算落咗堂都不停不停喺我腦海出現。我就係咁執著，我就係有好多抑鬱同焦慮嘅情況出現，我就係咁唔正常。可能我死咗之後佢哋會仲更加開心呢，佢哋就係將來嘅老師......