話說啱啱係青衣返天水圍，喺大欖轉車嘅時候，我唔記得冚實好自己個手袋，點知一起身既時候，手袋d野就跌晒出嚟！跟住逐件逐件執返，執完落返下層嘅時候，司機已經閂咗門。我好清楚就算係唔小心都係我自己問題，所以我都係用禮貌嘅語氣去詢問司機可唔可以開門俾我落車。點知佢一嚟就屌我老母！話我瞓過龍唔撚記得落車就唔好撚落！雖然佢最尾都係有比我落車，但真心條氣唔係咁順。 咁樣講，落唔切車，的而且確係乘客嘅問題！所以你絕對有權唔開門比我落車！但我並唔覺得佢有資格屌我老母！你鬧我都算。。。仲要鬧埋我屋企人？我唔知司機受過啲乜嘢氣要發係我身上！定係我要求佢開門呢個行為真係令到佢好嬲！但可唔可以都有返啲專業嘅操守？唔好郁啲就講粗口去鬧個客？可能佢覺得份人工本來都唔高，並唔需要受氣，亦唔擔心公司會炒佢！但老老實實，我夠知道程車錢唔係貴，但我唔Expect會喺個車程中無端端俾人屌老母！ 我唔知佢對份工點諗，但我個人認為你返得呢份工，你覺得佢再cheap，你都要跟返規矩做嘢吧？你話如果我態度本來就閪，佢屌鳩我都覺得正常。但我好聲好氣咁同你講嘢，你仲要屌返我老母我就覺得有問題！ 想問各位我應唔應該去投訴司機？因為聽落去真係好小事，但本人條氣又唔係好順！